അങ്കണവാടി കെട്ടിട ഉദ്ഘാടനം

പറവൂർ: ചേന്ദമംഗലം ഗ്രാമപഞ്ചായത്തിലെ അഞ്ചാം വാർഡിൽ എം.എൽ.എ യുടെ ആസ്തിവികസന സ്കീമിൽ ഉൾപ്പടുത്തി 20 ലക്ഷം രൂപ ചെലവിൽ നിർമ്മിച്ച 68-ാം നമ്പർ അങ്കണവാടി കെട്ടിടം പ്രതിപക്ഷനേതാവ് വി.ഡി. സതീശൻ ഉദ്ഘാടനം ചെയ്തു. ജില്ലാ പഞ്ചായത്ത് അംഗം എ.എസ്. അനിൽകുമാർ, ബ്ളോക്ക് പഞ്ചായത്ത് അംഗം പി.വി. മണി, ശ്രീജിത്ത്, ശ്രീദേവി സുരേഷ്, ദിവ്യ ഉണ്ണിക്കൃഷ്ണൻ, അങ്കണവാടി ടീച്ചർ ഷിജി തുടങ്ങിയവർ പങ്കെടുത്തു.