അക്രമിയെ കൊല്ലാമെന്ന സന്ദേശം വ്യാജമെന്ന് ഡി.ജി.പി
Sunday 23 June 2024 4:20 AM IST
തിരുവനന്തപുരം: പീഡനത്തിന് ഇരയായാലോ പീഡനത്തിന് സാദ്ധ്യതയുണ്ടെന്ന സാഹചര്യത്തിലോ അക്രമിയെ കൊല്ലാൻ പെൺകുട്ടിക്ക് അവകാശമുണ്ടെന്ന് ഡി.ജി.പിയുടെ ചിത്രം സഹിതം സോഷ്യൽ മീഡിയയിൽ പ്രചരിക്കുന്ന സന്ദേശം വ്യാജമാണെന്ന് പൊലീസ് മേധാവി അറിയിച്ചു. ഇത്തരമൊരു അറിയിപ്പ് പൊലീസ് മേധാവി നൽകിയിട്ടില്ല. ഇത് പ്രചരിപ്പിക്കുന്നത് കുറ്റകരമാണെന്നും പൊലീസ് വ്യക്തമാക്കി.