ഊട്ടി, കൊടൈക്കനാൽ യാത്ര: ഇ-പാസ് സംവിധാനം നീട്ടി
Sunday 30 June 2024 1:54 AM IST
കോയമ്പത്തൂർ: ഊട്ടി, കൊടൈക്കനാൽ പോകുന്ന വിനോദസഞ്ചാരികൾക്കുള്ള ഇ-പാസ് സംവിധാനം സെപ്തംബർ 30 വരെ നീട്ടി. മദ്രാസ് ഹൈകോടതി ഉത്തരവിടുകയായിരുന്നു. മെയ് മാസത്തിലാരംഭിച്ച ഇ- പാസ് സംവിധാനത്തിന്റെ കാലാവധി ഇന്ന് അവസാനിക്കാനിരിക്കെയാണ് കോടതിയുടെ പുതിയ ഉത്തരവ്. മൂന്ന് മാസത്തേക്ക് കൂടി നീട്ടാമെന്ന സംസ്ഥാന സർക്കാറിന്റെ നിർദ്ദേശം കോടതി കണക്കിലെടുത്തു. ഒരേ സമയത്ത് കൂടുതൽ വിനോദസഞ്ചാരികളെത്തുന്നത് നിയന്ത്രിക്കുന്നതിന്റെ ഭാഗമായാണ് ഇ- പാസ് ഏർപ്പെടുത്തിയത്. ഊട്ടി, കൊടൈക്കനാലെത്തുന്ന വാഹനങ്ങളുടെ കണക്കെടുപ്പ് മദ്രാസ് ഐ.ഐ.ടിയും ബംഗളൂരു ഐ.ഐ.എമ്മും നടത്തുന്നുണ്ട്.