ടാഗോർ ഗ്രന്ഥശാല വജ്രജൂബിലി

കോഴഞ്ചേരി : നീർവിളാകം ടാഗോർ ഗ്രന്ഥശാലയുടെ വജ്ര ജൂബിലി ആഘോഷങ്ങൾ ഗ്രന്ഥശാല പ്രസിഡന്റ് എം.ഹരികുമാറിന്റെ അദ്ധ്യക്ഷതയിൽ കോഴഞ്ചേരി താലൂക്ക് ഗ്രന്ഥശാല കൗൺസിൽ സെക്രട്ടറി എം.എൻ.സോമരാജൻ ഉദ്ഘാടനം ചെയ്തു.

ജില്ലാ കളക്ടർ പ്രേംകൃഷ്ണൻ മുഖ്യാതിഥിയായി. പന്തളം ബ്ലോക്ക് പഞ്ചായത്ത് വൈസ് പ്രസിഡന്റ് അശ്വതി വിനോജ് , ഗ്രാമപഞ്ചായത്ത് അംഗം ഷീജ പ്രമോദ്, വജ്രജൂബിലി സമിതി രക്ഷാധികാരി മുരളീകൃഷ്ണൻ, ആർ.വസന്ത് കുമാർ , കെ.എൻ.രാധാകൃഷ്ണൻ തുടങ്ങിയവർ പ്രസംഗിച്ചു . ഗ്രന്ഥശാല സെക്രട്ടറി വി.വിനോജ് സ്വാഗതവും ലൈബ്രെറിയൻ രജിത നന്ദിയും പറഞ്ഞു.