അപേക്ഷ ക്ഷണിച്ചു

ഓച്ചിറ: പട്ടികജാതി വികസന വകുപ്പിന്റെ ഓച്ചിറ ഗവ. ഐ.ടി.ഐയിൽ എൻ.സി.വി.ടി അംഗീകാരമുള്ള ഡ്രാഫ്ട് മാൻ സിവിൽ, പ്ലംബർ ട്രേഡുകളിലേക്ക് അപേക്ഷ ക്ഷണിച്ചു. https://scdditiadmission.kerala.gov.in എന്ന ലിങ്ക് വഴി അപേക്ഷകൾ ഓൺലൈനായി സമർപ്പിക്കണം. എസ്.എസ്.എൽ.സിയാണ് അടിസ്ഥാന യോഗ്യത. പ്ലസ് ടു വിജയിച്ചവർക്ക് ഗ്രേസ് മാർക്ക്‌ ലഭിക്കുന്നതിനാൽ മാർക്ക്‌ ലിസ്റ്റ് അപ്‌ലോഡ് ചെയ്യണം. തെരഞ്ഞെടുക്കപ്പെടുന്നവർക്ക് സൗജന്യ പരിശീലനം, പുസ്തകങ്ങൾ, ഉച്ചഭക്ഷണം, പോഷകാഹാരം, യൂണിഫോം അലവൻസ് എന്നിവയും എസ്.സി/എസ്.ടി വിഭാഗത്തിന് പ്രതിമാസ സ്റ്റൈപ്പന്റും ലംപ്സം ഗ്രാന്റും ലഭിക്കും. വിജയികൾക്ക് സർക്കാർ, അർദ്ധ സർക്കാർ, സ്വകാര്യ സ്ഥാപനങ്ങളിൽ ജോലി സാദ്ധ്യത. പ്രതിമാസ സ്റ്റൈപ്പന്റോടെ അപ്രന്റീസ് ട്രെയിനിംഗും ലഭ്യമാണ്. അവസാന തീയതി ജൂലായ് 27. ഫോൺ: 04762691222, 9037252581, 9188185724.