വാട്ടർ എ.ടി.എം

പട്ടാമ്പി: പട്ടിത്തറ ഗ്രാമപഞ്ചായത്ത് പടിഞ്ഞാറങ്ങാടിയിൽ സ്ഥാപിച്ച വാട്ടർ എ.ടി.എം ബൂത്തിന്റെ ഉദ്ഘാടനം പഞ്ചായത്ത് പ്രസിഡന്റ് പി.ബാലൻ നിർവ്വഹിച്ചു. വൈസ് പ്രസിഡന്റ് സെബു സദഖത്തുള്ള അദ്ധ്യക്ഷനായി. അഞ്ച് ലക്ഷം രൂപ ചെലവിലാണ് പദ്ധതി നടപ്പാക്കിയത്. ഒരു രൂപ നാണയം ബൂത്തിൽ നിക്ഷേപിച്ചാൽ ഒരു ലിറ്റർ വെള്ളം ലഭിക്കും. പഞ്ചായത്ത് അംഗങ്ങളായ കെ.ശശിരേഖ, പി.വി.ഷാജഹാൻ, ബാവ മാളിയേക്കൽ, പി.ജയൻ, എ.കെ.നന്ദകുമാർ, കെ.ടി.ഫവാസ്, കെ.ഹരീഷ്, റസിയ അബൂബക്കർ തുടങ്ങിയവർ സംസാരിച്ചു.