ജോ​ലി​ ​ഉ​പേ​ക്ഷി​ച്ച​ ​വ​നി​ത​ക​ൾ​ക്ക് ​ ​ഫെ​ഡ​റ​ൽ​ ​ബാ​ങ്കിൽ അവസരം

കൊച്ചി: പല കാരണങ്ങളാൽ ജോലി ഉപേക്ഷിച്ച വനിതാ പ്രൊഫഷനലുകൾക്കായി ഫെഡറൽ ബാങ്ക് നടത്തിയ റിക്രൂട്ട്‌മെന്റ് പദ്ധതിക്ക് ഉദ്യോഗാർത്ഥികളുടെ മികച്ച പ്രതികരണം. വിവാഹം, പ്രസവം തുടങ്ങി വ്യക്തിപരവും അല്ലാത്തതുമായ കാരണങ്ങളാൽ ജോലിയിൽ നിന്ന് ഇടവേള എടുക്കേണ്ടി വന്നവരെ ലക്ഷ്യമിട്ടായിരുന്നു പദ്ധതി. ജോലിയിൽ നിന്ന് മാറിയിട്ട് 5വർഷം തികയാത്ത, ബാങ്കിംഗ് / ഐ.ടി മേഖലകളിൽ നിന്നുള്ള വനിതകൾക്കാണ് നിലവിൽ അവസരം ലഭിച്ചത്.

വൈവിദ്ധ്യമാർന്നതും എല്ലാവരെയും ഉൾക്കൊള്ളുന്നതുമായ ഒരു തൊഴിലിടത്തിന് ഫെഡറൽ ബാങ്ക് പ്രതിജ്ഞാബദ്ധമാണെന്ന് ബാങ്ക് എക്‌സിക്യൂട്ടീവ് വൈസ് പ്രസിഡന്റും ചീഫ് എച്ച്.ആർ ഓഫീസറുമായ എൻ. രാജനാരായണൻ പറഞ്ഞു.