തിരുവനന്തപുരം മെഡിക്കൽ കോളേജ് ആശുപത്രിയിൽ വീണ്ടും ലിഫ്റ്റ് പണിമുടക്കി; കുടുങ്ങിയത് ഡോക്‌ടറും രോഗിയും

തിരുവനന്തപുരം: തലസ്ഥാനത്തെ മെഡിക്കൽ കോളേജ് ആശുപത്രിയിൽ വീണ്ടും രണ്ടുപേർ ലിഫ്റ്റിൽ കുടുങ്ങി. ആശുപത്രിയിലെ വനിതാ ഡോക്‌ടറും രോഗിയുമാണ് ലിഫ്റ്റിനുള്ളിൽ അകപ്പെട്ടത്. ഇന്നുച്ചയോടെയായിരുന്നു സംഭവം.

രോഗി സ്‌ട്രെച്ചറിലായിരുന്നു. അത്യാഹിത വിഭാഗത്തിൽനിന്നും സിടി സ്‌കാനിലേയ്ക്ക് പോകുന്ന ലിഫ്റ്റിൽ ഇരുവരും കുടുങ്ങുകയായിരുന്നു. സംഭവമറിഞ്ഞ് മെഡിക്കൽ കോളേജ് പൊലീസ് അടക്കം സ്ഥലത്തെത്തിയാണ് ഇരുവരെയും പുറത്തെത്തിച്ചത്.

ലിഫ്റ്റ് ഉള്ളിൽ നിന്ന് തുറക്കാനാവാത്ത അവസ്ഥയിലായിരുന്നു. പത്തുമിനിട്ടോളം രണ്ടുപേരും ലിഫ്റ്റിൽ അകപ്പെട്ടു. ഡോക്‌ടർ എമർജൻസി അലാറം മുഴക്കുകയും ഫോണിൽ അറിയിക്കുകയും ചെയ്തതനുസരിച്ചാണ് ജീവനക്കാരും പിന്നാലെ പൊലീസും സ്ഥലത്തെത്തി ഇരുവരെയും രക്ഷിച്ചത്.

മെ​ഡി​ക്ക​ൽ​ ​കോ​ളേ​ജ് ​ആ​ശു​പ​ത്രി​യി​ൽ​ ​ന​ടു​വേ​ദ​ന​യ്ക്ക് ​ചി​കി​ത്സ​യ്ക്കെ​ത്തി​യ രോഗി​ ​​​42 മണി​ക്കൂർ​ ​ലി​ഫ്റ്റി​ൽ​ ​കു​ടു​ങ്ങി​ക്കി​ട​ന്നത് വലിയ വിവാദമായതിന് പിന്നാലെയാണ് വീണ്ടും രണ്ടുപേർ അകപ്പെട്ടത്. എം.​എ​ൽ.​എ​ ​ഹോ​സ്റ്റ​ലി​ലെ​ ​താ​ത്കാ​ലി​ക​ ​ജീ​വ​ന​ക്കാ​ര​ൻ കൊ​ച്ചു​ള്ളൂ​രി​ൽ​ ​താ​മ​സി​ക്കു​ന്ന​ ​ര​വീ​ന്ദ്ര​ൻ​ ​നാ​യ​രാ​ണ് ​(59​)​ രണ്ടുദിവസത്തോളം ലിഫ്റ്റിൽ കുടുങ്ങിയത്.

ശനിയാഴ്ച ഉച്ചയ്ക്ക് 12ഓടെയായിരുന്നു സംഭവം. മെഡിക്കൽ കോളേജിലെ ജീവനക്കാരിയായ ഭാര്യ ശ്രീലേഖയ്ക്കൊപ്പം രാവിലെ 10നാണ് രവീന്ദ്രൻ ആശുപത്രിയിലെത്തിയത്. ഭാര്യ ജോലിക്കുകയറി. രവീന്ദ്രൻ ഒ.പി ബ്ലോക്കിൽ നിന്ന് ലിഫ്റ്റിൽ ഒന്നാം നിലയിലെത്തി ഓർത്തോ ഒ.പിയിൽ ഡോക്ടറെ കണ്ടു. രക്തപരിശോധനാ റിപ്പോർട്ട് എടുക്കാൻ മറന്നതിനാൽ ഡോക്ടറോട് പറഞ്ഞശേഷം രവീന്ദ്രൻ കൊച്ചുള്ളൂരിലെ വീട്ടിലേക്കു പോയി. 12ഓടെ തിരികെ ഒ.പി ബ്ലോക്കിൽ നിന്നു 11-ാം നമ്പർ ലിഫ്റ്റിൽ കയറി. ഒന്നാം നമ്പർ അമർത്തി. മുകളിലേക്ക് ഉയർന്ന ലിഫ്റ്റ് ഒച്ചയോടെ വിറച്ച് താഴേക്കു പതിച്ചു. രവീന്ദ്രന്റെ കൈയിലിരുന്ന ഫോൺ താഴെവീണു പൊട്ടി. ലിഫ്റ്റിനുള്ളിലെ അലാറം സ്വിച്ച് നിരന്തരം അമർത്തിയെങ്കിലും ഫലമുണ്ടായില്ല.

നിലത്തുവീണ ഫോൺ ഏറെ നേരം പണിപ്പെട്ട് ഓണാക്കി അടിയന്തരസഹായത്തിനായി ലിഫ്റ്റിൽ എഴുതിരുന്ന നമ്പരിൽ നാലുവട്ടം വിളിച്ചെങ്കിലും എടുത്തില്ല. അതിനിടെ ഫോണും ഓഫായി. കടുത്തചൂടും ഭീതിയും കാരണം മണിക്കൂറുകൾ തള്ളിനീക്കി.

ര​വീ​ന്ദ്ര​നെ​ ​കാ​ണാ​നി​ല്ലെ​ന്ന് ​കാ​ട്ടി​ ​വീ​ട്ടു​കാ​ർ​ ​ന​ൽ​കി​യ​ ​പ​രാ​തി​യി​ൽ​ ​മെ​ഡി​ക്ക​ൽ​ ​കോ​ളേ​ജ് ​പൊ​ലീ​സ് ​അ​ന്വേ​ഷ​ണം​ ​ന​ട​ത്തു​ന്ന​തി​നി​ടെ​ ​ഇ​ന്ന​ലെ​ ​രാ​വി​ലെ​യാ​ണ് ​ലി​ഫ്റ്റി​ൽ​ ​കു​ടു​ങ്ങി​യ​ ​നി​ല​യി​ൽ​ ​ക​ണ്ടെ​ത്തി​യ​ത്.​ ​ലി​ഫ്റ്റ് ​പാ​തി​യി​ൽ​ ​നി​ൽ​ക്കു​ന്ന​തു​ ക​ണ്ട​ ​ഒ​രാ​ൾ​ ​സു​ര​ക്ഷാ​ജീ​വ​ന​ക്കാ​രെ​ ​വി​വ​രം​ ​അ​റി​യി​ച്ച​താ​ണ് ​ര​ക്ഷ​യാ​യ​ത്.​ ​ജീ​വ​ന​ക്കാ​രെ​ത്തി​ ​ലി​ഫ്റ്റ് ​തു​റ​ന്ന​പ്പോ​ൾ​ ​അ​ർ​ദ്ധ​ബോ​ധാ​വ​സ്ഥ​യി​ൽ​ ​മ​ല​മൂ​ത്ര​ ​വി​സ​ർ​ജ​നം​ ​ചെ​യ്ത​ ​നി​ല​യി​ലാ​യി​രു​ന്നു​ ​ര​വീ​ന്ദ്ര​ൻ.​ ​സംഭവത്തിൽ ലി​ഫ്റ്റ് ​ഓ​പ്പ​റേ​റ്റ​ർ​മാ​രാ​യ​ ​മു​രു​ക​ൻ,​ ​ആ​ദ​ർ​ശ്,​ ​ഡ്യൂ​ട്ടി​ ​സാ​ർ​ജ​ന്റ് ​റെ​ജി​ ​എ​ന്നി​വ​രെ​ ​അ​ന്വേ​ഷ​ണ​ ​വി​ധേ​യ​മാ​യി​ ​സ​സ്‌​പെ​ൻ​ഡ് ​ചെ​യ്തു.​