കാരുണ്യ ഫാർമസി​ തുറക്കണം

അടൂർ : ഗവ.ആശുപത്രിയിലെ കാരുണ്യ മെഡിക്കൽ സ്റ്റോർ തുറന്ന് പ്രവർത്തിപ്പി​ക്കണമെന്ന് ആവശ്യപ്പെട്ട് കോൺഗ്രസ്‌ മണ്ഡലം പ്രസിഡന്റ്‌ ഷിബു ചിറക്കരോട്ട് ആശുപത്രി സൂപ്രണ്ടിന് നിവേദനം നൽകി. മുൻപ് ആശുപത്രിക്ക് അകത്ത് പ്രവർത്തിച്ചി​രുന്ന മെഡിക്കൽ സ്റ്റോർ കമ്പ്യൂട്ടറിനും അനുബന്ധ സാധനങ്ങൾക്കും തീ പി​ടി​ച്ചതോടെ പൂട്ടുകയായി​രുന്നു. ഇതുമൂലം സാധാരണക്കാർ വലിയ വില നൽകി പുറത്തുനിന്ന് മരുന്നുകൾ വാങ്ങേണ്ട ഗതി​കേടി​ലായി​രി​ക്കുന്നു.

ഒരു മാസത്തിനകം പരിഹാരം ഉണ്ടാക്കാമെന്ന് സൂപ്രണ്ട് ഉറപ്പ് നൽകി.

കൗൺസിലർ ഗോപു കരുവാറ്റ, യൂത്ത് കോൺഗ്രസ്‌ നേതാക്കളായ അരവിന്ദ് ചന്ദ്രശേഖർ, രാജേഷ്.ബി, നിഖിൽ ഫ്രാൻസിസ് എന്നിവരും പങ്കെടുത്തു.