തീരദേശ മേഖലയിലെ മാലിന്യങ്ങൾ നീക്കണം

കൊല്ലം: തീരദേശ മേഖലയിലെ തങ്കശ്ശേരി, വാടി, മൂതാക്കര, ജോനകപ്പുറം, പള്ളിത്തോട്ടം കൊടിമരം എന്നീ തീരദേശ മേഖലയിലെ മാലിന്യങ്ങൾ നീക്കം ചെയ്യാൻ കോർപ്പറേഷൻ നടപടി സ്വീകരിക്കണമെന്ന് ആർ.എസ്.പി ആവശ്യപ്പെട്ടു. വാടി ഹാർബർ, പോർട്ട്, മത്സ്യലേല ഹാളിനു സമീപമുള്ള പ്രദേശങ്ങൾ അടക്കം മാലിന്യങ്ങളുടെ കൂമ്പാര കേന്ദ്രങ്ങളായി​. വകുപ്പ് മേധാവി മേധാവികൾ വാർത്തകൾ നൽകുന്നതല്ലാതെ ശാശ്വത പരിഹാരം കാണുന്നി​ല്ല. മാലിന്യം നിർമാർജനം ചെയ്യുന്ന കാര്യത്തിൽ കൊല്ലം കോർപ്പറേഷനും ബന്ധപ്പെട്ടവരും പരാജയപ്പെട്ടതി​ന്റെ തെളിവാണ് തീരദേശ മേഖലയിൽ കാണുന്നതെന്നും ആർ.എസ്.പി സംസ്ഥാന കമ്മിറ്റി അംഗം ടി.കെ. സുൽഫി, ജില്ലാ കമ്മിറ്റിയംഗം സദു പള്ളിത്തോട്ടം എന്നിവർ പ്രസ്താവനയിൽ പറഞ്ഞു.