താരങ്ങൾക്കെതിരായ പീഡനക്കേസ്: 'അമ്മ"യുടെ ഓഫീസിൽ വീണ്ടും പരിശോധന

കൊച്ചി: നടിയെ പീ‌ഡിപ്പിച്ച കേസന്വേഷിക്കുന്ന പ്രത്യേകസംഘം താരസംഘടനയായ 'അമ്മ"യുടെ കൊച്ചി ഓഫീസിലും ഏതാനും ഫ്ളാറ്റുകളിലും തെളിവെടുപ്പ് പൂർത്തിയാക്കി. ഇന്നലെ രാവിലെ 10.30നായിരുന്നു അമ്മ ഓഫീസിലെ പരിശോധന. ഇടവേള ബാബു, മുകേഷ് എന്നിവർക്കെതിരായ കേസുമായി ബന്ധപ്പെട്ടായിരുന്നു പരിശോധനയെന്നാണ് സൂചന. ഇവർ ഭാരവാഹികളായിരുന്നപ്പോഴുള്ള രേഖകളും ശേഖരിച്ചു. ശനിയാഴ്ച രാത്രിയിലും അമ്മ ഓഫീസിൽ പരിശോധന നടത്തിയിരുന്നു.

എറണാകുളം മേനകയിലെയും ഫോർട്ടുകൊച്ചിയിലെയും ഫ്ലാറ്റുകളിലും തെളിവെടുപ്പു നടന്നു. മേനകയിലെ ഫ്ലാറ്റിൽ പരാതിക്കാരിയുമെത്തിയിരുന്നു. സംവിധായകൻ രഞ്ജിത്തിനെതിരായ കേസിൽ പ്രധാന സാക്ഷിയായ കഥാകൃത്ത് ജോഷി ജോസഫിനെ കൊച്ചി കടവന്ത്രയിലെ ഫ്ളാറ്റിലേക്ക് വിളിച്ചുവരുത്തി. ഉച്ചയ്ക്ക് തുടങ്ങിയ തെളിവെടുപ്പ് ഒരുമണിക്കൂറിലധികം നീണ്ടു. 2009ൽ പാലേരി മാണിക്യം സിനിമാ ചർച്ചയ്ക്കിടെ ലൈംഗിക താത്പര്യത്തോടെ രഞ്ജിത്ത് ശരീരത്തിൽ സ്പർശിച്ചെന്ന നടിയുടെ പരാതിലാണ് അന്വേഷണം. കേസിൽ സാമൂഹ്യപ്രവർത്തകൻ ഫാ. അഗസ്റ്റിൻ വട്ടോളിയുടെ മൊഴിയും കടമക്കുടിയിലെ വസതിയിലെത്തി രേഖപ്പെടുത്തി. ജോഷി ജോസഫ് ഇക്കാര്യം അറിയിച്ചപ്പോൾ ഇത് മറച്ചുവയ്‌ക്കേണ്ടതല്ലെന്നും നടി തയ്യാറാണെങ്കിൽ അവർക്കൊപ്പമിരുന്ന് വാർത്താസമ്മേളനം നടത്താമെന്നും പറഞ്ഞിരുന്നു. ബംഗാളിൽ പോയി നടിയുടെ മൊഴിയെടുത്ത് കേസ് രജിസ്റ്റർ ചെയ്യണമെന്നും അദ്ദേഹം ആവശ്യപ്പെട്ടു.

 മുകേഷിന്റെ ജാമ്യാപേക്ഷ എതിർക്കും

പീഡനക്കേസിൽ നടൻ മുകേഷ് എം.എൽ.എയ്ക്ക് മുൻകൂർ ജാമ്യം അനുവദിക്കരുതെന്നാവശ്യപ്പെട്ട് അന്വേഷണ സംഘം ഇന്ന് എറണാകുളം പ്രിൻസിപ്പൽ സെഷൻസ് കോടതിയിൽ സത്യവാങ്മൂലം സമർപ്പിക്കും. മുകേഷിനെ ചോദ്യം ചെയ്യേണ്ടതുണ്ടെന്നും ജാമ്യം നൽകിയാൽ കേസ് അട്ടിമറിക്കപ്പെടുമെന്നും അറിയിക്കും. വിശദമായ അന്വേഷണം വേണമെന്നാണ് പ്രത്യേക സംഘത്തിന്റെ നിലപാട്. മരട് പൊലീസാണ് മുകേഷിനെതിരെ ജാമ്യമില്ലാ വകുപ്പ് പ്രകാരം കേസെടുത്തത്. പരാതിക്കാരിയെ മുകേഷിന്റെ കൊച്ചിയിലെ വില്ലയിലെത്തിച്ച് തെളിവെടുത്തിരുന്നു.

സി​നി​മാ​പ്ര​വ​ർ​ത്ത​ക​ർ​ ​ജാ​ഗ്രത പാ​ലി​ക്ക​ണ​മെ​ന്ന് ​മ​മ്മൂ​ട്ടി

തി​രു​വ​ന​ന്ത​പു​രം​:​ ​അ​ന​ഭി​ല​ഷ​ണീ​യ​മാ​യ​ ​സം​ഭ​വ​ങ്ങ​ൾ​ ​ഒ​ഴി​വാ​ക്കാ​ൻ​ ​സി​നി​മാ​പ്ര​വ​ർ​ത്ത​ക​ർ​ ​ശ്ര​ദ്ധി​ക്ക​ണ​മെ​ന്നും​ ​ജാ​ഗ​രൂ​ക​രാ​ക​ണ​മെ​ന്നും​ ​മ​മ്മൂ​ട്ടി.​ ​ഒ​രി​ക്ക​ലും​ ​സം​ഭ​വി​ക്കാ​ൻ​ ​പാ​ടി​ല്ലാ​ത്ത​ ​ചി​ല​ത് ​ന​ട​ന്ന​തി​നെ​ ​തു​ട​ർ​ന്നാ​ണ് ​സി​നി​മാ​മേ​ഖ​ല​യെ​ക്കു​റി​ച്ച് ​പ​ഠി​ക്കാ​ൻ​ ​ജ​സ്റ്റി​സ് ​ഹേ​മ​ ​ക​മ്മ​റ്റി​യെ​ ​സ​ർ​ക്കാ​ർ​ ​നി​യോ​ഗി​ച്ച​ത്.​ ​പ​രി​ഹാ​ര​ങ്ങ​ൾ​ ​നി​ർ​ദ്ദേ​ശി​ക്കാ​നും​ ​ന​ട​പ​ടി​ക​ൾ​ ​ശു​പാ​ർ​ശ​ ​ചെ​യ്യാ​നു​മാ​ണ് ​ക​മ്മി​റ്റി​ ​രൂ​പീ​ക​രി​ച്ച​തെ​ന്നും​ ​മ​മ്മൂ​ട്ടി​ ​പ​റ​ഞ്ഞു.

​ ​കു​റി​പ്പ് ​തു​ട​രു​ന്ന​ത് ​ഇ​ങ്ങ​നെ സ​മൂ​ഹ​ത്തി​ന്റെ​ ​പ​രി​ച്ഛേ​ദം​ ​ത​ന്നെ​യാ​ണ് ​സി​നി​മ.​ ​സ​മൂ​ഹ​ത്തി​ലെ​ ​എ​ല്ലാ​ ​ന​ന്മ​തി​ന്മ​ക​ളും​ ​സി​നി​മ​യി​ലു​മു​ണ്ട്.​ ​സി​നി​മാ​മേ​ഖ​ല​ ​സ​മൂ​ഹം​ ​സൂ​ക്ഷ്മ​മാ​യി​ ​ശ്ര​ദ്ധി​ക്കു​ന്ന​ ​ഒ​ന്നാ​ണ്.​ ​അ​തു​കൊ​ണ്ടു​ത​ന്നെ​ ​അ​വി​ടെ​ ​സം​ഭ​വി​ക്കു​ന്ന​ ​ചെ​റു​തും​ ​വ​ലു​തു​മാ​യ​ ​എ​ല്ലാ​കാ​ര്യ​ങ്ങ​ളും​ ​വ​ലി​യ​ ​ച​ർ​ച്ച​യ്ക്കി​ട​യാ​ക്കും. ഈ​ ​രം​ഗ​ത്ത് ​അ​ന​ഭി​ല​ഷ​ണീ​യ​മാ​യ​തൊ​ന്നും​ ​സം​ഭ​വി​ക്കാ​തി​രി​ക്കാ​ൻ​ ​സി​നി​മാ​പ്ര​വ​ർ​ത്ത​ക​ർ​ ​ശ്ര​ദ്ധി​ക്കേ​ണ്ട​തും​ ​ജാ​ഗ​രൂ​ക​രാ​കേ​ണ്ട​തു​മാ​ണ്.​ ​ഒ​രി​ക്ക​ലും​ ​സം​ഭ​വി​ക്കാ​ൻ​പാ​ടി​ല്ലാ​ത്ത​ ​ചി​ല​ത് ​സം​ഭ​വി​ച്ച​തി​നെ​ത്തു​ട​ർ​ന്ന് ​സി​നി​മാ​മേ​ഖ​ല​യെ​ക്കു​റി​ച്ച് ​പ​ഠി​ച്ച് ​റി​പ്പോ​ർ​ട്ട് ​ത​യ്യാ​റാ​ക്കി​ ​പ​രി​ഹാ​ര​ങ്ങ​ൾ​ ​നി​ർ​ദ്ദേ​ശി​ക്കാ​നും​ ​ന​ട​പ​ടി​ക​ൾ​ ​ശു​പാ​ർ​ശ​ ​ചെ​യ്യാ​നും​ ​സ​ർ​ക്കാ​ർ​ ​രൂ​പീ​ക​രി​ച്ച​താ​ണ് ​ജ​സ്റ്റി​സ് ​ഹേ​മ​ ​ക​മ്മ​റ്റി.​ ​ആ​ ​റി​പ്പോ​ർ​ട്ടി​ൽ​ ​പ​റ​ഞ്ഞി​രി​ക്കു​ന്ന​ ​നി​ർ​ദ്ദേ​ശ​ങ്ങ​ളെ​യും​ ​പ​രി​ഹാ​ര​ങ്ങ​ളെ​യും​ ​സ​ർ​വ്വാ​ത്മ​നാ​സ്വാ​ഗ​തം​ ​ചെ​യ്യു​ക​യും​ ​പി​ന്തു​ണ​യ്ക്കു​ക​യും​ ​ചെ​യ്യു​ന്നു.​ ​അ​വ​ ​ന​ട​പ്പാ​ക്കാ​ൻ​ ​സി​നി​മാ​മേ​ഖ​ല​യി​ലെ​ ​എ​ല്ലാ​ ​കൂ​ട്ടാ​യ്മ​ക​ളും​ ​വേ​ർ​തി​രി​വു​ക​ളി​ല്ലാ​തെ​ ​കൈ​കോ​ർ​ത്തു​നി​ൽ​ക്കേ​ണ്ട​ ​സ​മ​യ​മാ​ണി​ത്. ഇ​പ്പോ​ൾ​ ​ഉ​യ​ർ​ന്നു​വ​ന്ന​ ​പ​രാ​തി​ക​ളി​ന്മേ​ൽ​ ​പൊ​ലീ​സ് ​അ​ന്വേ​ഷ​ണം​ ​ശ​ക്ത​മാ​യി​ ​മു​ന്നോ​ട്ടു​പോ​കു​ന്നു.​ ​ജ​സ്റ്റി​സ് ​ഹേ​മ​ ​ക​മ്മി​റ്റി​ ​റി​പ്പോ​ർ​ട്ടി​ന്റെ​ ​പൂ​ർ​ണ​രൂ​പം​ ​കോ​ട​തി​യു​ടെ​ ​മു​ന്നി​ലു​മാ​ണ്.​ ​പൊ​ലീ​സ് ​സ​ത്യ​സ​ന്ധ​മാ​യി​ ​അ​ന്വേ​ഷി​ക്ക​ട്ടെ.​ ​ശി​ക്ഷാ​വി​ധി​ക​ൾ​ ​കോ​ട​തി​ ​തീ​രു​മാ​നി​ക്ക​ട്ടെ.​ ​സി​നി​മ​യി​ൽ​ ​ഒ​രു​ ​'​ശ​ക്തി​കേ​ന്ദ്ര​'​വു​മി​ല്ല.​ ​അ​ങ്ങ​നെ​യൊ​ന്നി​ന് ​നി​ല​നി​ല്ക്കാ​ൻ​ ​പ​റ്റു​ന്ന​ ​രം​ഗ​വു​മ​ല്ല​ ​സി​നി​മ.​ ​ജ​സ്റ്റി​സ് ​ഹേ​മ​ ​ക​മ്മി​റ്റി​ ​റി​പ്പോ​ർ​ട്ടി​ലെ​ ​പ്രാ​യോ​ഗി​ക​മാ​യ​ ​ശു​പാ​ർ​ശ​ക​ൾ​ ​ന​ട​പ്പാ​ക്ക​ണ​മെ​ന്നും​ ​അ​തി​ന് ​നി​യ​മ​ത​ട​സ്സ​ങ്ങ​ളു​ണ്ടെ​ങ്കി​ൽ​ ​ആ​വ​ശ്യ​മാ​യ​ ​നി​യ​മ​നി​ർ​മ്മാ​ണം​ ​ന​ട​ത്ത​ണ​മെ​ന്നും​ ​അ​ഭ്യ​ർ​ത്ഥി​ക്കു​ന്നു.​ ​ആ​ത്യ​ന്തി​ക​മാ​യി​ ​സി​നി​മ​ ​നി​ല​നി​ൽ​ക്ക​ണം.