ഗണേശോത്സവത്തി​ന് തുടക്കമായി​

കൊച്ചി : എറണാകുളം ഗണേശോത്സവ ട്രസ്റ്റി​ന്റെയും എറണാകുളം ശിവക്ഷേത്ര ക്ഷേമ സമിതിയുടെയും നേതൃത്വത്തിൽ നടത്തുന്ന ജില്ലാ ഗണേശോത്സവത്തിന് തുടക്കമായി​. എറണാകുളം ഡർബാർ ഹാൾ ഗ്രൗണ്ടി​ൽ സ്ഥാപി​ച്ച ഗണേശ വി​ഗ്രഹത്തി​ന്റെ മി​ഴി​ തുറക്കൽ ചടങ്ങ് പ്രശസ്ത തിരക്കഥാകൃത്ത് എസ്.എൻ.സ്വാമി നിർവ്വഹിച്ചു. ടി.ജെ. വിനോദ് ഭദ്രദീപം തെളിച്ച് ജില്ലാ ഗണേശോത്സവം ഉദ്ഘാടനം ചെയ്തു.

സ്വാഗതസംഘം ചെയർമാൻ പി.രാജേന്ദ്രപ്രസാദ് അദ്ധ്യക്ഷനായി. ട്രസ്റ്റ് ജില്ലാ പ്രസിഡന്റ് സജി തുരുത്തിക്കുന്നേൽ, ബി​.ജെ.പി​. ജില്ലാ പ്രസിഡന്റ് അഡ്വ. കെ.എസ്. ഷൈജു, ജനറൽ കൺവീനർ എസ്. സുഗുണൻ തുടങ്ങി​യവർ സംസാരി​ച്ചു. സർവ്വവിഘ്ന നി​വാരണത്തിനായി ഇന്നലെ രാവിലെ 108 നാളികേരത്തിന്റെ അഷ്ടദ്രവ്യ ഗണപതി ഹോമം, വിനായക ചതുർത്ഥി പൂജകൾ എന്നിവ നടന്നു. ഇന്നലെ ചിത്രരചന മത്സരത്തിലും നൂറുകണക്കി​ന് കുരുന്നുകൾ പങ്കെടുത്തു.