'ആത്മകം' പദ്ധതിയിലൂടെ വീൽചെയർ നൽകി
ആലുവ: തേവക്കൽ തൃക്കാക്കര ഗവ. വൊക്കേഷണൽ ഹയർ സെക്കൻഡറി സ്കൂൾ നാഷണൽ സർവീസ് സ്കീം വിദ്യാർത്ഥികൾ ന്യൂസ് പേപ്പർ സ്ക്രാപ്പ് ചലഞ്ചിലൂടെ സമാഹരിച്ച തുക ഉപയോഗിച്ച് വാങ്ങിയ വീൽചെയർ കുടുംബാരോഗ്യ കേന്ദ്രത്തിലെ പെയിൻ ആൻഡ് പാലയേറ്റീവ് വിഭാഗത്തിന് കൈമാറി. സ്കൂൾ പി.ടി.എ പ്രസിഡന്റ് സിയാദ് ചെമ്പറക്കി, എസ്.എം.സി ചെയർമാൻ എൻ.എ. കുതുബുദ്ധീൻ എന്നിവർ ചേർന്ന് ആരോഗ്യ കേന്ദ്രം മെഡിക്കൽ ഓഫീസർമാരായ ഡോ. ഹന്നത്ത്, ഡോ. ജിൻസി എന്നിവർക്ക് വീൽചെയർ കൈമാറി. എൻ.എസ്.എസ് പ്രോഗ്രാം ഓഫീസർ ഗോൾഡി എലിസബത്ത് ജോർജ് അദ്ധ്യക്ഷയായിരുന്നു.