മൂന്നുദിവസം നേരിയ മഴ

തിരുവനന്തപുരം: സംസ്ഥാനത്ത് മൂന്നുദിവസം കൂടി നേരിയ മഴ ലഭിക്കും. ഉച്ചയ്ക്ക് ശേഷമാണ് മഴ സാദ്ധ്യത. ബംഗാൾ ഉൾക്കടലിലെ ചക്രവാതച്ചുഴിയുടെ സാഹചര്യത്തിലാണിത്. തിരുവനന്തപുരം, കൊല്ലം, പത്തനംതിട്ട, കോട്ടയം ജില്ലകളിലാണ് നേരിയ മഴ ലഭിക്കുന്നത്. എന്നാൽ പകൽ സാധാരണയെക്കാൾ 2 മുതൽ 3 ഡിഗ്രി വരെ താപനില ഉയരാൻ സാദ്ധ്യതയെന്ന് കേന്ദ്ര കാലാവസ്ഥാ വകുപ്പ് അറിയിച്ചു. ഇടിമിന്നലിനും സാദ്ധ്യതയുണ്ട്. വെള്ളിയാഴ്ച വരെ കേരള, തമിഴ്നാട് തീരത്ത് 0.5 മുതൽ 1.0 മീറ്റർ വരെ ഉയരത്തിൽ തിരമാലയ്ക്ക് സാദ്ധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം അറിയിച്ചു.