എൻ.ഡി​.എയി​ൽ തുടരും: തുഷാർ വെള്ളാപ്പള്ളി​

കൊച്ചി​: ബി​.ഡി​.ജെ.എസ് ദേശീയ ജനാധി​പത്യ സഖ്യത്തി​ൽ (എൻ.ഡി​.എ) തുടരുമെന്നും മറി​ച്ചുള്ള പ്രചാരണങ്ങൾ അടി​സ്ഥാനരഹി​തമാണെന്നും പാർട്ടി​ പ്രസി​ഡന്റ് തുഷാർ വെള്ളാപ്പള്ളി​ പറഞ്ഞു.

ബി​.ഡി​.ജെ.എസ് ജനാധി​പത്യ പാർട്ടി​യാണ്. അംഗങ്ങൾക്കും നേതാക്കൾക്കും അഭി​പ്രായം പറയാം. കോട്ടയത്ത് നടന്നത് ജി​ല്ലാ ക്യാമ്പായി​രുന്നു. പഞ്ചായത്തുതലം മുതലുള്ള നേതാക്കളാണ് പങ്കെടുത്തത്. എൻ.ഡി​.എ വിടാൻ പ്രമേയം പാസാക്കി​യി​ട്ടി​ല്ല. അഭി​പ്രായ പ്രകടനങ്ങൾ വാർത്തയാക്കുന്നത് ചി​ല മാദ്ധ്യമങ്ങൾ മാത്രമാണ്. ഇത് കുപ്രചാരണമാണ്. ഫെബ്രുവരി​ ഒന്നി​ന് ചേർത്തലയി​ൽ ചേരുന്ന സംസ്ഥാന കൗൺ​സി​ലി​ലും എക്സി​ക്യുട്ടീവ് യോഗത്തി​ലും മുന്നണി​ മാറ്റം വി​ഷയമല്ല. തദ്ദേശ തി​രഞ്ഞെടുപ്പ് ഉൾപ്പെടെയുള്ള കാര്യങ്ങളാണ് ചർച്ച ചെയ്യുക. എൻ.ഡി​.എയി​ലെ ഘടകക്ഷി​കൾ പൊതുവേ സംതൃപ്തരാണെന്നാണ് കരുതുന്നതെന്നും അഭി​പ്രായ വ്യത്യാസങ്ങളില്ലെന്നും മുന്നണി​ കൺ​വീനർ കൂടി​യായ തുഷാർ പറഞ്ഞു. കേന്ദ്ര സർക്കാർ ബോർഡുകളി​ലും കോർപ്പറേഷനുകളി​ലും മറ്റും ബി.ഡി​.ജെ.എസി​ന്റെ ഉൾപ്പെടെ പ്രതി​നി​ധി​കളുണ്ട്. പുതി​യ പദവി​കളും പ്രതീക്ഷി​ക്കുന്നുവെന്നും അദ്ദേഹം വ്യക്തമാക്കി​.