ഭി​ന്നതയി​ല്ല, സി​നി​മാ പ്രശ്നങ്ങൾ പറഞ്ഞു തീർക്കും: ലി​സ്റ്റി​ൻ സ്റ്റീഫൻ

കൊച്ചി: ഫിലിം പ്രൊഡ്യൂസേഴ്‌സ് അസോസിയേഷനിൽ പ്രശ്‌നങ്ങളൊന്നുമില്ലെന്ന് ട്രഷററും ഡിസ്ട്രിബ്യൂട്ടേഴ്‌സ് അസോസിയേഷൻ പ്രസിഡന്റുമായ ലിസ്റ്റിൻ സ്റ്റീഫൻ പറഞ്ഞു. ആന്റണി പെരുമ്പാവൂരും ജി. സുരേഷ് കുമാറും പങ്കെടുക്കുന്ന അടുത്ത അസോസിയേഷൻ യോഗത്തി​ൽ പ്രശ്നങ്ങൾ ചർച്ച ചെയ്യും. ഇരുവരും സംഘടനയ്‌ക്ക് വേണ്ടപ്പെട്ടവരാണ്. സിനിമാ സമരം ഉണ്ടായാൽ ആന്റണി പെരുമ്പാവൂർ മുൻനിരയിലുണ്ടാകുമെന്നും ലിസ്റ്റിൻ പറഞ്ഞു.

സുരേഷ് കുമാർ പറഞ്ഞത് അസോസിയേഷനും മറ്റു സംഘടനകളും നടത്തിയ യോഗത്തിൽ ചർച്ച ചെയ്ത കാര്യങ്ങൾ തന്നെയാണ്. ഏതെങ്കിലും സംഘടനയെയോ വ്യക്തിയെയോ ഉദ്ദേശിച്ചിട്ടില്ല. രണ്ടു പേരുടെയും പരാമർശങ്ങൾ ഒഴിവാക്കാമായിരുന്നു. സംസാരിച്ചാൽ തീരാവുന്ന പ്രശ്‌നങ്ങളേയുള്ളൂ.

അന്യഭാഷാചിത്രങ്ങളുടെ ആധി​ക്യമുണ്ടായപ്പോഴും ഒ.ടി.ടി, സാറ്റലൈറ്റ് വി​ഭാഗങ്ങൾ മലയാള നിർമ്മാതാക്കളെ ഗൗനി​ക്കുന്നി​ല്ലെന്ന് തോന്നി​യപ്പോഴുമാണ് എല്ലാ സംഘടനകളുടെയും യോഗം വിളിച്ചത്. 'അമ്മ"യ്‌ക്ക് അതി​ൽ പങ്കെടുക്കാനായി​ല്ല. ആന്റണി​ പെരുമ്പാവൂരും എത്തി​യി​രുന്നി​ല്ല. അഞ്ച് ലക്ഷത്തി​നുമേൽ പ്രതി​ഫലമുള്ളവർക്ക് മൂന്നുഘട്ടമായി​ നൽകാമെന്ന നി​ർദ്ദേശമുണ്ടായപ്പോൾ പൊതുയോഗം ചേർന്ന് തീരുമാനി​ക്കാമെന്നാണ് പി​ന്നീട് അമ്മ ഭാരവാഹി​കൾ അറി​യി​ച്ചത്. നി​ർമ്മാതാക്കളും അമ്മ സംഘടനയുമായി​ ഒരു പ്രശ്നവുമി​ല്ല. രണ്ടും കൂട്ടരും സി​നി​മയുടെ അവി​ഭാജ്യ ഘടകമാണ്. പ്രശ്നപരി​ഹാരമുണ്ടായി​ല്ലെങ്കി​ൽ ജൂണി​ൽ സമരം തുടങ്ങാമെന്നായി​രുന്നു യോഗതീരുമാനമെന്നും ലി​സ്റ്റി​ൻ പറഞ്ഞു.

സുരേഷ് കുമാറും ആന്റണി പെരുമ്പാവൂരും തമ്മിലുള്ള പരസ്യഭിന്നതയിൽ ടോവിനോ തോമസും ഉണ്ണിമുകുന്ദനും പോലുള്ള പ്രമുഖരും പക്ഷം പിടിച്ചതോടെയാണ് സമവായ സാഹചര്യമൊരുക്കാൻ ലിസ്റ്റിൻ സ്റ്റീഫൻ രംഗത്തിറങ്ങിയത്.