തിരുവനന്തപുരത്ത് കാട്ടാന ആക്രമണത്തിൽ രണ്ട് പേർക്ക് പരിക്ക്

തിരുവനന്തപുരം: കാട്ടാന ആക്രമണത്തിൽ രണ്ട് പേർക്ക് പരിക്ക്. തിരുവനന്തപുരം പാലോട് മടത്തറ വേങ്കല്ലയിലാണ് കാട്ടാന ആക്രമണം ഉണ്ടായത്. ശാസ്താംനട സ്വദേശികളായ രാജീവ്, സുധി എന്നിവർക്കാണ് പരിക്കേറ്റത്. റോഡിൽ നിന്ന കാട്ടാന സ്കൂട്ടർ യാത്ര ചെയ്യുകയായിരുന്ന ഇവരെ ആക്രമിക്കുകയായിരുന്നു. ഇവരുടെ സ്കൂട്ടർ ആന തകർത്തു.