കിഴക്കേക്കല്ലട പഞ്ചായത്തി​ന് 23. 94 കോടി​യുടെ ബഡ്ജറ്റ്

കൊല്ലം: കിഴക്കേക്കല്ലട ഗ്രാമ പഞ്ചായത്ത് 2025-26 വർഷത്തെ ബഡ്ജറ്റ് ഗ്രാമപഞ്ചായത്ത് പ്രസിഡന്റ് കെ.ജി. ലാലിയുടെ അദ്ധ്യക്ഷതയിൽ ചേർന്ന യോഗത്തിൽ വൈസ് പ്രസിഡന്റ് രാജു ലോറൻസ് അവതരിപ്പിച്ചു. 23. 94 കോടി​ വരവും, 23.79 കോടി​ ചെലവും 15 ലക്ഷം മിച്ചവും പ്രതീക്ഷിക്കുന്ന ബഡ്ജറ്റിൽ കാർഷിക മേഖലയ്ക്കും പാർപ്പിടം, ആരോഗ്യം, സാമൂഹ്യക്ഷേമം, പശ്ചാത്തല വികസനം എന്നിവയ്ക്കുമാാണ് മുൻതൂക്കം.

ബ്ലോക്ക് പഞ്ചായത്ത് പ്രസിഡന്റ് ജയദേവി മോഹൻ, വികസന സ്റ്റാൻഡിംഗ് കമ്മി​റ്റി ചെയർപേഴ്‌സൺ ഉഷാദേവി, ഗ്രാമപഞ്ചായത്ത് സ്റ്റാൻഡിംഗ് കമ്മറ്റി ചെയർമാൻമാൻമാരായ റാണി സുരേഷ്, എ. സുനിൽകുമാർ, എസ്. ശ്രുതി, മറ്റ് അംഗങ്ങൾ, ബി.ഡി.ഒ ജോർജ് അലോഷ്യസ്, പഞ്ചായത്ത് സെക്രട്ടറി സുചിത്രാ ദേവി, മറ്റ് നിർവ്വഹണ ഉദ്യോഗസ്ഥർ എന്നിവർ പങ്കെടുത്തു.