നെടുംകുതി​ര വരവായി​ തെങ്ങമത്തി​ന് ഉത്സവം

തെങ്ങമം : തോട്ടുവ ഭരണിക്കാവ് ദേവീക്ഷേത്രത്തിലെ ഉത്സവത്തിന്റെ ഭാഗമായി ഇന്ന് നടക്കുന്ന കെട്ടുകാഴ്ചയിൽ ലോകത്തിലെ വലിയ കെട്ടുകുതിരയെന്ന് തോട്ടുവ നെഹ്‌റു കലാ സാംസ്‌കാരിക വേദി അമ്പലത്തുംഭാഗം അവകാശപ്പെടുന്ന നെടും കുതിരയെത്തും. നാൽപത് ലക്ഷം രൂപയാണ് നിർമ്മാണ ചെലവ്. രണ്ടു വർഷം കൊണ്ടാണ് പണി​കൾ പൂർത്തീകരി​ച്ചത്. ക്ഷേത്ര മൈതാനത്തിന് സമീപം ശിൽപി മുണ്ടോലി സുരേഷിന്റെ മുഖ്യകാർമികത്വത്തിൽ ഒരുക്കങ്ങൾ നടക്കുന്നു. കെട്ടുകാഴ്ച മനോഹരമാക്കി നന്ദികേശന്മാരും കുതിരയും തേരും കെട്ടൂവള്ളവും നിശ്ചലദൃശ്യങ്ങളും വാദ്യമേളങ്ങളും മറ്റു ക്ഷേത്രകലകളും അണിനിരക്കും.