യു.ഡി.എഫ് രാപ്പകൽ സമരം

കൊല്ലം: തദ്ദേശ സ്വയംഭരണ സ്ഥാപനങ്ങൾക്ക് വികസന പ്രവർത്തനങ്ങൾ നടത്തുന്നതിന് ആവശ്യമായ ഫണ്ട് നൽകാതെയും പദ്ധതി വിഹിതം വെട്ടിക്കുറച്ചും പഞ്ചായത്തുകളെയും നഗരസഭകളെയും ശ്വാസം മുട്ടിക്കുന്ന സംസ്ഥാന സർക്കാർ നടപടിയിൽ പ്രതിഷേധിച്ച് യു.ഡി.എഫ് ഏപ്രിൽ 4, 5 തീയതികളിൽ രാപ്പകൽ സമരം നടത്തും. ജില്ലയിലെ 68 പഞ്ചായത്തുകളിലും നാല് മുനിസിപ്പാലിറ്റികളിലും കൊല്ലം കോർപ്പറേഷൻ ഓഫീസിന് മുന്നിലും ഏപ്രിൽ 4 വൈകിട്ട് 4 മുതൽ 5 രാവിലെ 11 വരെ രാപ്പകൽ സമരം ഉണ്ടായിരിക്കുമെന്ന് യു.ഡി.എഫ് ജില്ലാ ചെയർമാൻ കെ.സി.രാജൻ അറിയിച്ചു.