കൊടും ചൂടിനെ തണുപ്പിക്കാൻ തണ്ണിമത്തനിൽ നൂറുമേനി

ച​വ​റ: കൊ​ടും ചൂ​ടി​നെ ത​ണു​പ്പി​ക്കാൻ ത​ണ്ണി​മ​ത്തൻ കൃ​ഷി​യിൽ നൂ​റുമേ​നി വി​ള​വു​മാ​യി രാ​ജൻ കു​ട്ടി​യും കു​ടും​ബ​വും. ച​വ​റ മ​ട​പ്പ​ള്ളി മ​ഹാ​ല​ക്ഷ്​മി വീ​ട്ടിൽ രാ​ജൻകു​ട്ടി​യും ഭാ​ര്യ സു​മം​ഗ​ല​യും മ​കൻ അ​ന​ന്ത​കൃ​ഷ്​ണ​ന്റെ​യും അദ്ധ്വാനമാണ് നൂറുമേനി വിളവിലെത്തിയത്. ഏ​ക​ദേ​ശം 250​ കി​ലോ ത​ണ്ണി​മ​ത്ത​നാ​ണ് ആ​ദ്യ വി​ള​വെ​ടു​പ്പിൽ ല​ഭി​ച്ച​ത്. പാ​ട്ട​ത്തി​നെ​ടു​ത്ത 25​സെന്റ് ഭൂമിയിൽ വെ​ള്ള​രി​യാ​ണ് ആ​ദ്യം ന​ട്ട​തെ​ങ്കി​ലും അ​ത് കേ​ടാ​യതോടെ പ​രീ​ക്ഷ​ണം എ​ന്ന നി​ല​യ്​ക്കാ​ണ് ആ​ദ്യ​മാ​യി ത​ണ്ണി​മ​ത്തൻ കൃ​ഷി​യി​ലേ​ക്ക് ഇ​റ​ങ്ങി​യ​ത്. അ​ത് വി​ജ​യം കണ്ടതി​ന്റെ സ​ന്തോ​ഷ​ത്തി​ലാ​ണ് ഈ കർ​ഷ​ക കു​ടും​ബം.

ച​വ​റ ഗ്രാ​മപ​ഞ്ചാ​യ​ത്തി​ലെ മി​ക​ച്ച കർ​ഷ​കൻ കൂ​ടി​യാ​യ ഇ​ദ്ദേ​ഹം പ​ച്ച​യും വെ​ള്ള​യും ത​ണ്ണി​മ​ത്ത​നാ​ണ് വി​ള​വെ​ടു​ത്ത​ത്. രാ​സവ​ള​ങ്ങൾ ഉപയോഗിക്കാതെ ജൈവരീതിയിലാണ് കൃ​ഷി. ത​ണ്ണി​മ​ത്തൻ വി​ള​വെ​ടു​ക്കു​ന്ന​ത​റി​ഞ്ഞ് പ്ര​ദേ​ശ​വാ​സി​ക​ളും എ​ത്തി. വി​ള​വെ​ടു​ത്ത ത​ണ്ണി​മ​ത്തൻ ചൂ​ട​പ്പം പോ​ലെ വിൽ​ക്കു​ക​യും ചെ​യ്​തു.

നാ​ടനായതിനാൽ കി​ലോ​ക്ക് നാൽ​പ്പ​ത് രൂ​പ വില ലഭിച്ചു. ത​മി​ഴ്‌​നാ​ട്ടിൽ നി​ന്നെത്തുന്ന ചി​ല ത​ണ്ണി​മ​ത്ത​നിൽ കൃ​ത്രിമ​മാ​യി ക​ളർ ചേർക്കാറുണ്ട്. ഇത് ആരോഗ്യത്തെ ബാധിക്കും.

രാ​ജൻകു​ട്ടി​