അ​ട്ട​പ്പാ​ടി മജിസ്‌ട്രേറ്റ് കോ​ട​തിക്ക് വേണം ഒരു സ്ഥി​രം പ്രോ​സി​ക്യൂ​ട്ട​ർ

അഗളി: അ​ട്ട​പ്പാ​ടി മു​ൻ​സി​ഫ് മ​ജി​സ്ട്രേ​റ്റ് കോ​ട​തി ഉദ്ഘാടനം കഴിഞ്ഞ് ഒന്നേകാൽ വർഷമായിട്ടും ​സ്ഥി​രം പ്രോ​സി​ക്യൂ​ട്ട​റെ നി​യ​മി​ക്കാ​ത്ത​ത് തി​രി​ച്ച​ടി​യാ​കു​ന്നു. അ​ട്ട​പ്പാ​ടി കോ​ട​തി​യി​ൽ അ​സി​സ്റ്റ​ന്‍റ് പ​ബ്ലി​ക് പ്രോ​സി​ക്യൂ​ട്ട​റു​ടെ(എ.​പി.​പി) ത​സ്തി​ക സൃ​ഷ്ടി​ക്കാ​ൻ 2024 ജൂ​ലായ് 24ന് ​ന​ട​ന്ന മ​ന്ത്രി​സ​ഭ യോ​ഗ​ത്തി​ൽ തീ​രു​മാ​ന​മാ​യി​രു​ന്നെ​ങ്കി​ലും നാളിതുവരെയായും നിയമനം നടന്നിട്ടില്ല. ഈ ​ത​സ്തി​ക ഭി​ന്ന​ശേ​ഷി വി​ഭാ​ഗ​ത്തി​നാ​യി സ​ർ​ക്കാ​ർ സം​വ​ര​ണം ചെ​യ്തി​രി​ക്കു​ക​യാ​ണ്. അ​പേ​ക്ഷ​ക​ൾ ല​ഭി​ച്ചി​ട്ടു​ണ്ടെ​ങ്കി​ലും തുടർ നടപടികൾ ആയിട്ടില്ല. ര​ണ്ട് പ​തി​റ്റാ​ണ്ട് നീ​ണ്ട മു​റ​വി​ളി​ക​ൾ​ക്കൊ​ടു​വി​ലാണ് അ​ട്ട​പ്പാ​ടിയിൽ കോ​ട​തി യാഥാർത്ഥ്യമായത്. നി​ല​വി​ൽ മ​ണ്ണാ​ർ​ക്കാ​ട് മു​ൻ​സി​ഫ് മ​ജി​സ്ട്രേ​റ്റ് കോ​ട​തി​യി​ലെ അ​സി​സ്റ്റ​ന്റ് പ​ബ്ലി​ക് പ്രോ​സി​ക്യൂ​ട്ട​ർ​ക്ക്(എ.​പി.​പി)​ അ​ട്ട​പ്പാ​ടി​യി​ലെ അ​ധി​ക ചു​മ​ത​ല ന​ൽ​കി​യി​രി​ക്കു​ക​യാ​ണ്. ഇ​തു​മൂ​ലം ആ​ഴ്ച​യി​ൽ ര​ണ്ടു​ദി​വ​സം മാ​ത്ര​മാ​ണ് എ.​പി.​പി അ​ട്ട​പ്പാ​ടി കോ​ട​തി​യി​ൽ എ​ത്തു​ന്ന​ത്. സാ​മ്പ​ത്തി​ക​മാ​യി പി​ന്നാക്കം നി​ൽ​ക്കു​ന്ന ആ​ദി​വാ​സി വി​ഭാ​ഗ​ങ്ങ​ളാ​ണ് ഇ​തു​മൂ​ലം ഏ​റ്റ​വും ബു​ദ്ധി​മു​ട്ട് നേ​രി​ടു​ന്ന​ത്. സം​സ്ഥാ​ന​ത്തെ ആ​ദ്യ പ​ട്ടി​ക​വ​ർ​ഗ വി​ഭാ​ഗം താ​ലൂ​ക്കാ​യ അ​ട്ട​പ്പാ​ടി​യി​ൽ ആ​ദി​വാ​സി വി​ഭാ​ഗ​ത്തി​ൽ​പെ​ട്ട​വ​ർ കേ​സു​ക​ൾ​ക്കാ​യി മ​ണ്ണാ​ർ​ക്കാ​ട് എ​സ്.​സി/​എ​സ്.​ടി പ്ര​ത്യേ​ക കോ​ട​തി​യെ​യാ​ണ് ആ​ശ്ര​യി​ക്കുന്നത്. അന്നന്നത്തെ കൂലികൊണ്ട് ജീവിതം മുന്നോട്ട് കൊണ്ടുപോകുന്നവർക്ക് കോടിതിയിലെത്താനുള്ള യാ​ത്രാ​ച്ചെ​ല​വും സ​മ​യ​വും ലാ​ഭി​ക്കാ​നും കേ​സു​ക​ളു​ടെ സു​ഗ​മ​മാ​യ ന​ട​ത്തി​പ്പി​നും അ​ട്ട​പ്പാ​ടി കോ​ട​തി ഏ​റെ സ​ഹാ​യ​ക​ര​മാ​ണ്. എ​ന്നാ​ൽ, സ്ഥി​രം പ്രോ​സി​ക്യൂ​ട്ട​ർ ഇ​ല്ലാ​ത്ത​തി​നാ​ൽ ജാ​മ്യ അ​പേ​ക്ഷ​ക​ൾ സ​മ​ർ​പ്പി​ക്കാ​നും കേ​സ് സം​ബ​ന്ധി​ച്ച ച​ർ​ച്ച​ക​ൾ ന​ട​ത്താ​നു​മെ​ല്ലാം ബു​ദ്ധി​മു​ട്ടു​ന്ന സ്ഥി​തി​യാ​ണുള്ളത്.

 തീർപ്പ് അനന്തമായി നീളുന്നു

തി​ങ്ക​ൾ, ചൊ​വ്വ, ബു​ധ​ൻ ദി​വ​സ​ങ്ങ​ളി​ൽ മ​ണ്ണാ​ർ​ക്കാ​ട് കോ​ട​തി​യി​ലും വ്യാ​ഴ​വും വെ​ള്ളി​യും അ​ട്ട​പ്പാ​ടി കോ​ട​തി​യി​ലു​മാ​ണ് നി​ല​വി​ൽ എ.​പി.​പി പ്ര​വ​ർ​ത്തി​ക്കു​ന്ന​ത്. ആ​ഴ്ച​യി​ൽ ര​ണ്ടു​ദി​വ​സം മാ​ത്ര​മാ​യ​തി​നാ​ൽ കേ​സു​ക​ളു​ടെ ബാ​ഹു​ല്യം​മൂ​ലം ഇ​വ കൃ​ത്യ​മാ​യി പ​ഠി​ക്കാ​നും സാ​ധി​ക്കാ​ത്ത സ്ഥി​തി​യാ​ണ്. ഇ​ത് എ.​പി.​പി​ക്കും ബു​ദ്ധി​മു​ട്ട് സൃ​ഷ്ടി​ക്കു​ന്നു. നി​ര​വ​ധി കേ​സു​ക​ളാ​ണ് ഇ​വി​ടെ ര​ജി​സ്റ്റ​ർ ചെ​യ്യ​പ്പെ​ടു​ന്ന​ത്. സ്ഥി​രം പ്രോ​സി​ക്യൂ​ട്ട​ർ ഇ​ല്ലാ​ത്ത​തി​നാ​ൽ ഇ​വ​യു​ടെ തീ​ർ​പ്പ് ക​ൽ​പ്പി​ക്കു​ന്ന​ത് അ​ന​ന്ത​മാ​യി നീ​ളു​ന്ന​തി​ന് കാ​ര​ണ​മാ​കു​മെ​ന്നാ​ണ് ആ​ശ​ങ്ക. കേ​സി​ന്റെ ച​ർ​ച്ച​ക​ൾ​ക്കും ജാ​മ്യ അ​പേ​ക്ഷ​ക​ളി​ൽ എ.​പി.​പി​യു​ടെ ഒ​പ്പി​നു​മാ​യി 100 കി.​മീ. ദൂ​ര​ത്തു​ള്ള മ​ണ്ണാ​ർ​ക്കാ​ട്ടേ​ക്ക് എ​ത്തു​ന്ന​ത് സാ​ധാ​ര​ണ​ക്കാ​ർ​ക്ക് സാ​മ്പ​ത്തി​ക-സ​മ​യ ന​ഷ്ടം ഉ​ണ്ടാ​ക്കു​ന്നു. ശ​നി​യാ​ഴ്ച ഒ​രാ​ൾ അ​റ​സ്റ്റു ചെ​യ്യ​പ്പെ​ട്ടാ​ൽ ജാ​മ്യം ല​ഭി​ക്ക​ണ​മെ​ങ്കി​ൽ വ്യാ​ഴാ​ഴ്ച വ​രെ കാ​ത്തി​രി​ക്കണം. വ്യാഴാഴ്ച എ.​പി.​പി അ​വ​ധി ആ​ണെ​ങ്കി​ൽ കാ​ത്തി​രി​പ്പ് പി​ന്നെ​യും നീ​ളും.