ഇമാക് 'സൈലന്റ് ഹീറോസ് അവാർഡ്

കൊല്ലം: കേരളത്തിലെ ഇവന്റ് മാനേജ്മെന്റ് മാനേജർമാരുടെ സംഘടനയായ 'ഇവന്റ് മാനേജ്മെന്റ് അസോസിയേഷൻ കേരളയുടെ (ഇമാക്) സൈലന്റ് ഹീറോസ് അവാർഡുകൾ വിതരണം ചെയ്തു. കൊല്ലം അഷ്ടമുടി ലീല റാവിസിൽ നടന്ന ചടങ്ങിന്റെ ഉദ്ഘാടനം എൻ.കെ.പ്രേമചന്ദ്രൻ എം.പി നിർവഹിച്ചു. ആർ.പി ഗ്രൂപ്പിന്റെ സ്ഥാപകനും ചെയർമാനുമായ ബി.രവി പിള്ളയ്ക്കായിരുന്നു ഇത്തവണത്തെ ഇമാക് ലൈഫ്ടൈം അച്ചീവ്മെന്റ് അവാർഡ്.

രാജ്യത്തിന്റെ സാമ്പത്തിക വളർച്ചയിലും പുരോഗതിയിലും സുപ്രധാന പങ്ക് വഹിക്കുന്ന മേഖലയായി ഇവൻ മാനേജ്മെന്റ് ഇൻഡസ്ട്രി വളർന്നുവെന്നുള്ളത് ഏറെ അഭിമാനകരമാണെന്ന് എം.പി പറഞ്ഞു. വാർഷിക ചടങ്ങിൽ ബി 2 ബി എക്സ്പോ, പാനൽ ചർച്ചകൾ, വിനോദ പരിപാടികൾ എന്നിവ നടന്നു. അഞ്ച് പ്രധാന വിഭാഗങ്ങളിൽ 60 ഉപവിഭാഗങ്ങളിലുമായി ഇരുന്നൂറ്റിമുപ്പതോളം അവാർഡുകൾ സമ്മാനിച്ചു.

കേരളത്തിലെ ഇവന്റ് മാനേജ്മെന്റ് മേഖലയിലെ ശ്രദ്ധേയമായ നേട്ടങ്ങൾ ആഘോഷിക്കാൻ സാധിച്ചതിൽ അതിയായ സന്തോഷമുണ്ടെന്ന് ഇവന്റ് മാനേജ്മെന്റ് അസോസിയേഷൻ കേരള പ്രസിഡന്റ് രാജു കണ്ണമ്പുഴ പറഞ്ഞു.