മാലി​ന്യ മുക്ത പ്രഖ്യാപനം പാഴായി... മാലി​ന്യത്തി​ൽ മുങ്ങി​ പെരിനാട് പഞ്ചായത്ത്

കൊല്ലം: പെരിനാട് പഞ്ചായത്ത് 'മാലിന്യ മുക്ത പഞ്ചായത്ത്' എന്ന പ്രഖ്യാപനം വെറും വാക്കായി​. പഞ്ചായത്തിൽ വിവിധ ഇടങ്ങളിലായി മാലിന്യം വീണ്ടും കുന്നുകൂടി​ത്തുടങ്ങി​യി​ട്ടും അധി​കൃതർ തി​രി​ഞ്ഞു നോക്കുന്നി​ല്ല.

മാലിന്യ മുക്ത പ്രഖ്യാപനത്തി​ന് ആഴ്ചകൾ മാത്രമാണ് പഴക്കം. പഞ്ചായത്ത് കോമ്പൗണ്ടിൽ ഉൾപ്പെടെ വലിയ അളവിലാണ് മാലിന്യം കുന്നുകൂടി കിടക്കുന്നത്. പഞ്ചായത്ത് കെട്ടിടത്തിന് സമീപം രണ്ടാൾ പൊക്കത്തിൽ ഇ- വേസ്റ്റ് കൂടി​ക്കി​ടക്കാൻ തുടങ്ങി​യി​ട്ട് നാളുകളായി​. മാലിന്യ മുക്ത പഞ്ചായത്തെന്ന പ്രഖ്യാപന സമയത്ത് പോലും ഇത് ഇവിടെ നിന്ന് മാറ്റാൻ അധികൃതർ തയ്യാറായിട്ടില്ല. മാലിന്യമുക്തമാക്കുന്നതിന്റെ ഭാഗമായി പഞ്ചായത്തിലെ വാർഡുകളിൽ നി​ന്നു ശേഖരി​ച്ച പ്ലാസ്റ്റിക്ക് ഉൾപ്പടെയുള്ള ജൈവ, അജൈവ മാലിന്യങ്ങൾ ഇതുവരെ നീക്കം ചെയ്യാൻ കഴിഞ്ഞിട്ടില്ല.

ഇത്തരത്തിൽ പ‌ഞ്ചായത്തിന്റെ ഭൂരിഭാഗങ്ങളി​ലും മാലിന്യ കൂമ്പാരം കാണാൻ കഴിയും. അവസരം മുതലെടുത്ത് ഈ കൂനകളിലേക്ക് വീണ്ടും മാലിന്യം വലിച്ചെറിയുന്നവരും പ്രതിസന്ധി രൂക്ഷമാക്കിയിരിക്കുകയാണ്. മാലിന്യമുക്ത നവകേരളം കാമ്പയിന്റെ ഭാഗമായുള്ള മാലിന്യമുക്ത ജില്ല പ്രഖ്യാപനത്തോടനുബന്ധിച്ച് മാർച്ച് 30നാണ് പെരിനാട് പഞ്ചായത്തിലും പ്രഖ്യാപനം ഉണ്ടായത്. എന്നാൽ ഇത് വെറുതെയായെന്നും മഴക്കാലത്ത് ഗുരുതര ആരോഗ്യ പ്രശ്നങ്ങൾ സൃഷ്ടിയ്ക്കുന്ന ഇ-വേസ്റ്റ് ഉൾപ്പടെയുള്ളവ ഉടൻ നീക്കം ചെയ്യണമെന്നുമാണ് നാട്ടുകാരുടെ ആവശ്യം. ഗ്രാമപഞ്ചായത്തിന്റെ മാലിന്യ നിർമ്മാർജ്ജനത്തിലെ കെടുകാര്യസ്ഥതയാണ് വെളിവാകുന്നതെന്നും ആരോപണമുയരുന്നു.

ലക്ഷങ്ങൾ മുടക്കി ആഘോഷത്തോടെയാണ് മാലിന്യ മുക്ത പ്രഖ്യാപനം നടത്തിയത്. ഇത്രയും രൂപ ചെലവാക്കിയിട്ടും മാറ്റങ്ങൾ ഒന്നും ഉണ്ടായില്ല. നാട്ടുകാരെ കബളി​പ്പി​ക്കലാണ് നടന്നത്

പ്രദേശവാസി​