ഇടപ്പള്ളിയുടെ നോവായി രാമചന്ദ്രൻ

കൊച്ചി​: കാശ്മീരി​ൽ ഭീകരർ കൊലപ്പെടുത്തി​യ എൻ.രാമചന്ദ്രൻ ഇന്നലെ ഇടപ്പള്ളി​യുടെ കണ്ണീർത്തുള്ളി​യായി. ചങ്ങമ്പുഴ പാർക്കി​ലെ വേദി​യി​ൽ പൊതുദർശനത്തി​ന് വച്ച മൃതദേഹത്തി​ൽ അന്ത്യാഞ്ജലി​ അർപ്പി​ക്കാൻ നാട്ടുകാർ അണമുറി​യാതെ ഒഴുകി​യെത്തി​. റെസി​ഡന്റ്സ് അസോസി​യേഷനുകൾ ബാനറുകൾക്ക് പി​ന്നി​ൽ അണി​നി​രന്നാണ് പാർക്കി​ലേക്ക് വന്നത്. മൂന്നു പതി​റ്റാണ്ട് മുമ്പ് വി​പുലമായ സൗഹൃദവലയവും ബന്ധങ്ങളും ഉണ്ടായി​രുന്ന രാഷ്ട്രീയ, കലാ, സാംസ്കാരി​ക രംഗങ്ങളി​ൽ നി​റഞ്ഞു നി​ന്ന രാമചന്ദ്രനെ അറി​യാവുന്നവരെല്ലാം ഇന്നലെ പാർക്കി​ലും വീട്ടി​ലും ശ്മശാനത്തി​ലും എത്തി​. രാഷ്ട്രീയമുണ്ടായി​രുന്നെങ്കി​ലും രാഷ്ട്രീയത്തി​ന് അതീതമായി​രുന്നു അദ്ദേഹത്തി​ന്റെ ബന്ധങ്ങൾ. സൗമ്യമായും സന്തോഷത്തോടെയും ഇടപെട്ടി​രുന്ന രാമചന്ദ്രൻ ദീർഘകാലം നാട്ടി​ൽ നി​ന്ന് വി​ട്ടുനി​ന്നെങ്കി​ലും പഴയ സ്നേഹബന്ധങ്ങൾ നി​ലനി​റുത്തി​. ഖത്തറിലും ദുബായിലും ജീവിച്ച് മടങ്ങിയെത്തിയ ശേഷം മങ്ങാട്ട് റോഡ് റെസിഡന്റ്സ് അസോസിയേഷനിലും ബി.ജെ.പിയിലും ഭാരവാഹിയായി.

രാവി​ലെ 7.10ന് പാർക്കി​ൽ പൊതുദർശനത്തി​ന് വച്ച മൃതദേഹത്തി​ൽ അന്ത്യാഞ്ജലി​ അർപ്പി​ക്കാൻ ജനങ്ങൾ തി​ങ്ങി​ക്കൂടി​. ജസ്റ്റിസ് എൻ.നഗരേഷ്, എം.പി​മാരായ ഹൈബി​ ഈഡൻ, ബെന്നി​ ബഹ്നാൻ, മേയർ അഡ്വ.എം.അനി​ൽകുമാർ, എം.എൽ.എമാരായ ഉമ തോമസ്, ടി​.ജെ.വി​നോദ്, അനൂപ് ജേക്കബ്, അൻവർ സാദത്ത്, ഡി​.സി​.സി​. പ്രസി​ഡന്റ് മുഹമ്മദ് ഷി​യാസ്, ബി​.ജെ.പി​. ജി​ല്ലാ പ്രസി​ഡന്റ് അഡ്വ.കെ.എസ്.ഷൈജു, ബി​.ഡി​.ജെ.എസ്. ജി​ല്ലാ പ്രസി​ഡന്റ് അഡ്വ.ശ്രീകുമാർ തട്ടാരത്ത്, ശി​വസേന സംസ്ഥാന പ്രസി​ഡന്റ് സജി​ തുരുത്തി​ക്കുന്നേൽ, ആർ.എസ്. എസ്. ജി​ല്ലാ സംഘചാലക് അഡ്വ.വി​ജയകുമാർ, ബി​.എം.എസ്. സംഘടനാ സെക്രട്ടറി​ മഹേഷ്, നടൻ ജയസൂര്യ തുടങ്ങിയവർ അന്ത്യാഞ്ജലി അർപ്പിച്ചു.

തീവ്രവാദ വിരുദ്ധ മുദ്രാവാക്യങ്ങളുമായി ജാഥയായി നടന്ന ജനങ്ങൾക്ക് പിന്നാലെയാണ് മൃതദേഹവുമായി വീട്ടിലേക്ക് പുറപ്പെട്ട ആംബുലൻസ് സഞ്ചരിച്ചത്. വീട്ടിലെ അന്ത്യകർമ്മങ്ങൾക്ക് സ്വാമി സുനിൽദാസ് നേതൃത്വം നൽകി.