ഡോ. വന്ദനാദാസ് കൊലക്കേസ്: പ്രതി വന്ദനയെ കുത്തുന്നത് കണ്ടുവെന്ന് ആവർത്തിച്ച് സാക്ഷി

കൊ​ല്ലം: പ്ര​തി വ​ന്ദ​ന​ദാ​സി​നെ കു​ത്തു​ന്ന​ത് നേ​രി​ട്ടു ക​ണ്ടു​വെ​ന്ന മൊ​ഴി പ്ര​തി​ഭാ​ഗ​ത്തി​ന്റെ ക്രോ​സ് വി​സ്​താ​ര​ത്തി​ലും പ്രോ​സി​ക്യൂ​ഷൻ വി​ഭാ​ഗം ഒ​ന്നാം സാ​ക്ഷി മു​ഹ​മ്മ​ദ് ഷി​ബിൻ കോ​ട​തി​യിൽ ആ​വർ​ത്തി​ച്ചു. കൊ​ല്ലം അ​ഡീ​ഷ​ണൽ സെ​ഷൻ​സ് ജ​ഡ്​ജി പി.എൻ.വി​നോ​ദ് മു​മ്പാ​കെ ന​ട​ന്ന ക്രോ​സ് വി​സ്​താ​ര​ത്തിൽ പ്ര​തി​ഭാ​ഗം വാ​ദ​ങ്ങൾ ത​ള്ളി​യാ​ണ് ഷി​ബിൻ മൊ​ഴി​യിൽ ഉ​റ​ച്ചുനി​ന്ന​ത്.

ആ​ശു​പ​ത്രി അ​ത്യാ​ഹി​ത വി​ഭാ​ഗ​ത്തിൽ പൊ​ലീ​സും പ്ര​തി​യും ത​മ്മിൽ ന​ട​ന്ന പി​ടി​വ​ലി​ക്കി​ട​യിൽ വ​ന്ദ​ന​യ്​ക്ക് അ​ബ​ദ്ധ​ത്തിൽ കു​ത്തേ​റ്റ​താ​ണെ​ന്നും കു​ത്താൻ ഉ​പ​യോ​ഗി​ച്ച​ത് പ്രോ​സി​ക്യൂ​ഷൻ ഹാ​ജ​രാ​ക്കി​യ ക​ത്രി​ക അ​ല്ലെ​ന്നു​മു​ള്ള പ്ര​തി​ഭാ​ഗം വാ​ദ​ത്തെ മു​ഹ​മ്മ​ദ് ഷി​ബിൻ നി​ഷേ​ധി​ച്ചു. കൊ​ട്ടാ​ര​ക്ക​ര താ​ലൂ​ക്ക് ആ​ശു​പ​ത്രി​യിൽ മ​തി​യാ​യ ചി​കി​ത്സ നൽകി​യി​രു​ന്നെ​ങ്കിൽ ഡോ. വ​ന്ദ​ന​യു​ടെ ജീ​വൻ ര​ക്ഷി​ക്കാൻ സാ​ധി​ക്കു​മാ​യി​രു​ന്നു​വെ​ന്നും പ്ര​തി​ഭാ​ഗം വാ​ദം ഉ​യർ​ത്തി. ഇ​തി​നെ​യും ഷി​ബിൻ നി​ഷേ​ധി​ച്ചു. അ​ത്യാ​ഹി​ത വി​ഭാ​ഗ​ത്തിൽ പ്ര​തി സ​ന്ദീ​പ് ഭീ​ക​രാ​ന്ത​രീ​ക്ഷം സൃ​ഷ്ടി​ച്ചു കൊ​ണ്ടി​രു​ന്ന സാ​ഹ​ച​ര്യ​ത്തിൽ അ​വി​ടെ ചി​കി​ത്സ ന​ൽ​കാൻ സാ​ധി​ക്കു​മാ​യി​രു​ന്നി​ല്ലെ​ന്നും ഷി​ബൻ പ​റ​ഞ്ഞു. ക്രോ​സ് വി​സ്​താ​രം ശ​നി​യാ​ഴ്​ച തു​ട​രും. പ്രോ​സി​ക്യൂ​ഷ​നു വേ​ണ്ടി സ്‌​പെ​ഷ്യൽ പ​ബ്ലി​ക് പ്രോ​സി​ക്യൂ​ട്ടർ അ​ഡ്വ. പ്ര​താ​പ്.ജി.പ​ടി​ക്കൽ, അ​ഭി​ഭാ​ഷ​ക​രാ​യ ശ്രീ​ദേ​വി പ്ര​താ​പ്, ശിൽ​പ്പ ശി​വൻ, ഹ​രീ​ഷ് കാ​ട്ടൂർ എ​ന്നി​വ​രും പ്ര​തി​ഭാ​ഗ​ത്തി​നാ​യി അ​ഡ്വ. ബി.എ.ആ​ളൂ​രും ഹാ​ജ​രാ​യി. 2023 മേ​യ് 10ന് രാ​ത്രി​യിൽ കൊ​ട്ടാ​ര​ക്ക​ര താ​ലൂ​ക്ക് ആ​ശു​പ​ത്രി അ​ത്യാ​ഹി​ത വി​ഭാ​ഗ​ത്തിൽ വൈ​ദ്യ​പ​രി​ശോ​ധ​ന​യ്​ക്കാ​യി പൊ​ലീ​സ് എ​ത്തി​ച്ച​പ്പോ​ഴാ​ണ് പ്ര​തി സ​ന്ദീ​പ് ഡ്യൂ​ട്ടി ഡോ​ക്ട​റാ​യി​രു​ന്ന വ​ന്ദ​ന​യെ കു​ത്തി​ക്കൊ​ല​പ്പെ​ടു​ത്തി​യ​ത്.