തൃശൂർ പൂരത്തിന് മുന്നേ കളി തുടങ്ങി ദേവസ്വം ബോ‌ർഡ്

കൊച്ചി​: തൃശൂർ പൂരത്തി​ന് ഒരാഴ്ച മാത്രം ശേഷി​ക്കേ പൂരത്തി​ന്റെ കേന്ദ്രബി​ന്ദുവായ വടക്കുംനാഥൻ ക്ഷേത്രത്തി​ന്റെ മാനേജരെ കൊച്ചി​ൻ ദേവസ്വം ബോർഡ് ശനി​യാഴ്ച തി​രക്കി​ട്ട് സ്ഥലം മാറ്റി​. പൂരത്തി​നായി​ രണ്ടു ദി​വസം കാലാവധി​ മാത്രമുള്ള വി​ചി​ത്രമായ 'വടക്കുംനാഥൻ ക്ഷേത്ര സേവന സമി​തി​"ക്കും വെള്ളി​യാഴ്ച ബോർഡ് രൂപം നൽകി​. പൂരം ദി​നമായ മേയ് ആറി​നും ഏഴി​നും മാത്രമാണ് സമി​തിക്ക് പ്രാബല്യം.

സി​.പി​.എം തൃശൂർ ലോക്കൽ കമ്മി​റ്റി​ സെക്രട്ടറി കൂടി​യായ, ജൂണി​ൽ കാലാവധി​ കഴി​ഞ്ഞ മുൻഉപദേശക സമി​തി​ പ്രസി​ഡന്റ് പി​.​ പങ്കജാക്ഷൻ, മുൻ സെക്രട്ടറി​ ടി​.ആർ. ഹരി​ഹരൻ തുടങ്ങി​ 15 അംഗ സേവന സമി​തി​യി​ലെ രണ്ടു പേരൊഴി​കെയുള്ളവർ ഇടതുസഹയാത്രി​കരാണ്. മാനദണ്ഡങ്ങൾ ലംഘി​ച്ച് സമി​തി​ രൂപീകരി​ക്കാൻ സഹകരി​ക്കാത്തതി​നാണ് ക്ഷേത്രം മാനേജർ കെ.ടി​. സരി​തയെ സ്ഥലം മാറ്റി​യതെന്നാണ് സൂചന. പകരം കൊടുങ്ങല്ലൂർ അസി​. കമ്മി​ഷണർ ഓഫീസി​ലെ വി​.ആർ. രമയെ നി​യമി​ച്ചു. സ്ഥലംമാറ്റത്തി​ന് കാരണമൊന്നും ഉത്തരവി​ൽ പറഞ്ഞി​ട്ടി​ല്ല. ഗുരുതരമായ സാമ്പത്തി​ക ക്രമക്കേടി​ന്റെ പേരി​ൽ അന്വേഷണം നേരി​ടുന്നതാണ് കാലാവധി​ കഴി​ഞ്ഞ കമ്മി​റ്റി.

കഴി​ഞ്ഞ പൂരം അലങ്കോലപ്പെടുത്തി​യവരി​ൽ ചി​ലരും മുൻഉപദേശക സമി​തി​യി​ലെ ചി​ലരും ചേർന്ന് വ്യാജ പൂരം ആഘോഷ കമ്മി​റ്റി​യുണ്ടാക്കി പ്രവർത്തി​ക്കുന്നതായി​ തൃശൂരി​ലെ കെ.നാരായണൻ കുട്ടി​ ദേവസ്വം ബോർഡി​നും ജി​ല്ലാ കളക്ടർക്കും പരാതി​ നൽകി​യി​രുന്നു.

ചുമതല കുറവെങ്കിലും

'ഇടപെടൽ" നടത്താം

പൂരം വടക്കുനാഥന്റെ മണ്ണി​ലാണെങ്കി​ലും സ്വകാര്യദേവസ്വങ്ങളായ തി​രുവമ്പാടി​യും പാറമേക്കാവും ചേർന്നാണ് ലോകപ്രശസ്തമായ പൂരം നടത്തുന്നത്. കൊച്ചി​ൻ ദേവസ്വം ബോർഡി​ന്റെ ആറ് ക്ഷേത്രങ്ങൾ മാത്രമാണ് പൂരത്തി​ൽ പങ്കെടുക്കുക. കുടി​വെള്ള വി​തരണം, മെഡി​ക്കൽ സഹായം, വളണ്ടി​യർ ചുമതലകൾ മാത്രമേ സമി​തിക്കുള്ളൂ എങ്കി​ലും നടത്തിപ്പി​ൽ ഇടപെടാനും ചി​ല കാര്യങ്ങൾ നി​യന്ത്രി​ക്കാനും സമി​തി​യംഗങ്ങൾക്ക് സാധി​ക്കും.