സബ് സെന്റർ പ്രവർത്തനം തുടങ്ങി​

കൊടുമൺ : കൊടുമൺ മൃഗാശുപത്രിയുടെ ഒറ്റത്തേക്കിലെ സബ് സെന്റർ ഒറ്റത്തേക്ക് ജംഗ്ഷന്റെ പടിഞ്ഞാറ് വശത്തുള്ള കെട്ടിടത്തിലേക്ക് മാറ്റി പ്രവർത്തനം തുടങ്ങി​. ഗ്രാമപഞ്ചായത്ത് മെമ്പർ രേവമ്മ വിജയന്റെ അദ്ധ്യക്ഷതയിൽ ചേർന്ന ചടങ്ങിൽ പഞ്ചായത്ത് വികസന സ്റ്റാൻഡിംഗ് കമ്മി​റ്റി ചെയർമാൻ എ.വിപിൻകുമാർ ഉദ്ഘാടനം നിർവ്വഹിച്ചു. പഞ്ചായത്തംഗം ജിതേഷ് കുമാർ, സി ഡി എസ് മെമ്പർ അന്നമ്മ സ്റ്റാൻലി, ഡോക്ടർ സ്വപ്ന പോൾ, എ ഡി എസ് ചെയർപേഴ്സൺ ജയശ്രീ, സെക്രട്ടറി അജിത നകുലൻ, റജി ശാമുവൽ, പ്രഗൽഭൻ, ഷൈലകുമാരി, സിന്ധു തുടങ്ങിയവർ പങ്കെടുത്തു.