പാലക്കാട് യാക്കരപ്പുഴയിൽ യുവതി മരിച്ചനിലയിൽ; മൃതദേഹത്തിന് അഞ്ച് ദിവസത്തെ പഴക്കം, ദുരൂഹത

പാലക്കാട്: പാലക്കാട് യാക്കരപ്പുഴയിൽ യുവതിയെ മരിച്ചനിലയിൽ കണ്ടെത്തി. യുവതിയ്ക്ക് 40 വയസ് തോന്നിക്കും. മൃതദേഹത്തിന് അ‌ഞ്ച് ദിവസത്തെ പഴക്കമുണ്ടെന്നാണ് പൊലീസ് പറയുന്നത്. പുഴയിൽ മൃതദേഹം കണ്ട നാട്ടുകാരാണ് പൊലീസിൽ വിവരം അറിയിച്ചത്. പാലക്കാട് സൗത്ത് പൊലീസെത്തിയാണ് മൃതദേഹം കരയ്ക്ക് എടുത്തത്. ചുരിദാറിന്റെ ടോപ്പ് മാത്രമേ മൃതശരീരത്തിൽ ഉണ്ടായിരുന്നുള്ളു. മരണത്തിൽ ദുരൂഹതയുണ്ടെന്നാണ് പൊലീസിന്റെ പ്രാഥമിക നിഗമനം.