ഡിക്സൺ ഓടുന്നു, ലഹരി​ വി​രുദ്ധ സന്ദേശവുമായി​

അടൂർ: പ്രായം ഒന്നി​നുമൊരു തടസമല്ലായെന്ന് തെളി​യി​ക്കുകയാണ് 72 ാം വയസി​ലും ഡിക്സൺ സക്കറിയ. സംസ്ഥാന കായിക വകുപ്പ് സംഘടിപ്പിക്കുന്ന കിക്ക് ഡ്രഗ്സ്, സേ യെസ് ടു സ്പോർട്സ് ലഹരിവിരുദ്ധ സന്ദേശ യാത്രയുടെ ഭാഗമായി അടൂരിൽ സംഘടിപ്പിച്ച മാരത്തോണിൽ ഡിക്സൺ സക്കറിയ 10 കിലോമീറ്റർ ഓടി ഫിനിഷ് ചെയ്തത് വളരെ വേഗത്തി​ലായി​രുന്നു. ലണ്ടൻ, ബോസ്റ്റൺ​, ഫിലാഡെൽഫിയ എന്നി​വി​ടങ്ങളി​ൽ അന്താരാഷ്ട്ര തലത്തിൽ സംഘടിപ്പിച്ച നിരവധി മാരത്തോണുകളിൽ ഇദ്ദേഹം പങ്കെടുത്തിട്ടുണ്ട്. പ്രവാസിയായിരുന്ന ഡിക്സൻ ഇപ്പോൾ പത്തനംതിട്ടയിലെ വീട്ടിൽ വിശ്രമ ജീവിതം നയിക്കുകയാണ്. എങ്കി​​ലും സ്പോർട്സിലും ലഹരി വിരുദ്ധ പ്രവർത്തനത്തിലും സജീവമാണ്.