പൊറോട്ടയ്ക്കും ബീഫിനുമൊപ്പം  ഗ്രേവി നൽകിയില്ലെന്ന പരാതി തള്ളി

കൊച്ചി: പൊറോട്ടയ്ക്കും ബീഫ് ഫ്രൈക്കും ഒപ്പം സൗജന്യമായി ഗ്രേവി നൽകിയില്ലെന്ന പരാതി നിലനിൽക്കില്ലെന്ന് എറണാകുളം ജില്ലാ ഉപഭോക്തൃ തർക്ക പരിഹാര കോടതി. കോലഞ്ചേരിയിലെ 'ദി പേർഷ്യൻ ടേബിൾ' റെസ്റ്റോറന്റിനെതിരെ എറണാകുളം സ്വദേശി എസ്. ഷിബു നൽകിയ പരാതി തള്ളി.

ഭക്ഷണത്തിന്റെ ഗുണമേന്മ, അളവ് തുടങ്ങിയ കാര്യങ്ങളിൽ പരാതിയില്ലെന്നും സൗജന്യമായി ഗ്രേവി ലഭ്യമാക്കാമെന്ന് റെസ്റ്റോറന്റ് വാഗ്ദാനം ചെയ്യുകയോ പണം ഈടാക്കുകയോ ചെയ്തിട്ടില്ലെന്നും ഡി.ബി ബിനു അദ്ധ്യക്ഷനും വി.രാമചന്ദ്രൻ, ടി.എൻ. ശ്രീവിദ്യ എന്നിവർ അംഗങ്ങളുമായ ബെഞ്ച് നിരീക്ഷിച്ചു. 2024 നവംബറിലായിരുന്നു സംഭവം. പരാതിക്കാരൻ കുന്നത്തുനാട് താലൂക്ക് സപ്ലൈ ഓഫീസറെ സമീപിച്ചെങ്കിലും പരാതി തള്ളി. തുടർന്നാണ് കോടതിയെ സമീപിച്ചത്.

.