ഏഷ്യൻ അത്‌ലറ്റിക്സ് ചാമ്പ്യൻഷിപ്പ് സംഘത്തിന് യാത്രയയപ്പ് നൽകി
Saturday 24 May 2025 12:22 AM IST
തിരുവനന്തപുരം : ആറാമത് ഏഷ്യൻ അത്‌ലറ്റിക്സ് ചാമ്പ്യൻഷിപ്പിൽ പങ്കെടുക്കുന്ന ഇന്ത്യൻ അത്‌ലറ്റിക്സ് സംഘത്തിന് യാത്രയയപ്പ് നൽകി. ഈമാസം 27 മുതൽ 31 വരെ ദക്ഷിണകൊറിയയിലെ ഗുമി നഗരത്തിൽ നടക്കുന്ന ചാമ്പ്യൻഷിപ്പിൽ 17അത്‌ലറ്റുകൾക്കും പരിശീലകരുമാണ് ഇന്ത്യയെ പ്രതിനിധീകരിക്കുന്നത്. കാര്യവട്ടം എൽ.എൻ.സി.പി.ഇയിൽ നടന്ന ചടങ്ങിൽ സായി എൽ.എൻ.സി.പി ഇ പ്രിൻസിപ്പൽ ഡോ.ജി.കിഷോർ,ചീഫ് നാഷണൽ കോച്ച് പി.രാധാകൃഷ്ണൻ നായർ,സായി എൽ.എൻ.സി.പി ഇ ഡയറക്ടർ ഡോ.എൻ.എസ്.രവി എന്നിവർ പങ്കെടുത്തു.
ഇന്ത്യസംഘത്തിലുള്ള നിത്യാ ഗന്ധേ, രൂപൽ, അബിനയ രാജരാജൻ, ടി.ദനേശ്വരി, സ്‌നേഹ.കെ, സുഭ.വി, ജിസ്‌ന മാത്യു, കെ.രാജിത, സാന്ദ്രമോൾ സാബു, വിശാൽ.ടി.കെ, ജയകുമാർ, മനു.ടി.എസ്, റിൻസ് ജോസഫ്, സന്തോഷ്.ടി, തുഷാർ, മോഹിത്, ധരംവീർ എന്നിവരും പങ്കെടുത്തു.