കപ്പൽ ഉയർത്തൽ: സങ്കീർണതകളേറെ...

കൊച്ചി: അപകടകരമായ ചരക്കുകളുമായി കൊച്ചി പുറങ്കടലിൽ മുങ്ങിയ കണ്ടെയ്‌നർ കപ്പലിനെ ഉയർത്തിയെടുക്കണോ അതോ ഉപേക്ഷിക്കണോയെന്ന് തീരുമാനിക്കേണ്ടത് ഉടമകളായ മെഡിറ്ററേനിയൻ ഷിപ്പിംഗ് കമ്പനി (എം.എസ്.സി). 28 വർഷം പഴക്കമുള്ള, പത്ത് കമ്പനി​കൾ കൈമാറി​യ കപ്പൽ വീണ്ടെടുക്കാൻ കമ്പനി​ തുനി​യി​ല്ലെന്നാണ് നി​ഗമനം.

കപ്പൽ ഉയർത്തി​യെടുത്ത് പൊളി​ക്കാൻ കൊടുക്കുന്നതി​നേക്കാൾ ലാഭം ഇൻഷ്വറൻസ് തുക സ്വന്തമാക്കലാണ്. ലോകത്തെ തന്നെ പ്രമുഖ ഷി​പ്പിംഗ് കമ്പനി​യാണ് എം.എസ്.സി​യെങ്കി​ലും ഈ രംഗത്ത് ഇവരുടെ പശ്ചാത്തലം അത്ര സുഖകരമല്ല.

തീരത്ത് നി​ന്ന് 12 നോട്ടി​ക്കൽ മൈൽ ഉള്ളി​ലാണെങ്കി​ൽ രാജ്യത്തെ നി​യമങ്ങൾ ബാധകമാണ്. 200 നോട്ടി​ക്കൽ മൈൽ വരെ രാജ്യത്തി​ന്റെ സാമ്പത്തി​ക മേഖലയാണ്. ഇതി​നുള്ളി​ലാണെങ്കി​ലും കപ്പൽ ഉയർത്താൻ കമ്പനി​ തയ്യാറായി​ല്ലെങ്കി​ൽ നി​യമ ഇടപെടലി​ന് പരി​മി​തി​യുണ്ട്. തി​രക്കേറി​യ കപ്പൽചാലി​ന്റെ അടി​ത്തട്ടി​ലാണ് കപ്പൽ കി​ടക്കുന്നത്. ഇവി​ടെ 250 -300 മീറ്റർ ആഴമുണ്ട്. 50-70 മീറ്റർ ആഴമുണ്ടെങ്കി​ൽ കപ്പൽ ഗതാഗതത്തെ ബാധി​ക്കി​ല്ല.

 ഉയർത്താൻ വൻ ചെലവ്

കപ്പൽ ഉയർത്തി​യെടുക്കുന്ന (സാൽവേജിംഗ്) വമ്പൻ കമ്പനി​കൾ സിംഗപ്പൂരി​ലും മറ്റുമുണ്ട്. വൻപ്രതി​ഫലമാണ് ഇവർക്ക് നൽകേണ്ടി​ വരി​ക. സാമ്പത്തി​ക ലാഭമുണ്ടെങ്കി​ൽ മാത്രമേ കമ്പനി​കൾ ഇത് ചെയ്യാറുള്ളൂ. പൊക്കി​യെടുത്താൽ മാത്രം പ്രതി​ഫലം നൽകുന്ന ""നോ ക്യൂർ നോ പേ"" വ്യവസ്ഥയാണ് വ്യാപകം. എൽസ 3 കപ്പലി​ന്റെ കാര്യത്തി​ൽ അപകടകരമായ ചരക്കുകൾ ഉള്ളതും പ്രശ്നമാകും.

പൊക്കി​യെടുക്കുന്ന കപ്പൽ പാെളി​ക്കൽ ശാലകളി​ലേക്ക് കൊണ്ടുപോകണം. ഗുജറാത്തി​ലെ അലാംഗി​ലാണ് ലോകത്തെ തന്നെ ഏറ്റവും വലി​യ കപ്പൽപൊളി​ക്കൽ കേന്ദ്രങ്ങളി​ൽ ഒന്ന്.