മഴ കുറഞ്ഞു,അഴുക്ക് ഒഴിയാതെ മാനാഞ്ചിറ

കോഴിക്കോട്: മഴ മാറി മാനം തെളിഞ്ഞിട്ടും മാനാഞ്ചിറയിലെ അഴുക്കിന് ശമനമില്ല. എ​ൽ.​ഐ.​സി ബ​സ് സ്റ്റോ​പ്പ്, മി​ഠാ​യി​ത്തെ​രു​വി​ലെ ഇ​രി​പ്പി​ട​ങ്ങ​ൾ, ലൈ​ബ്ര​റി​ക്ക് മുൻവശം, ഓട്ടോ പാർക്കിംഗ് എ​ന്നി​വി​ട​ങ്ങ​ളി​ലെ​ല്ലാം അ​ഴു​ക്കു​വെ​ള്ളം കെ​ട്ടി​ക്കി​ട​ക്കുകയാണ്. ഇതോടെ കാൽ നടയാത്ര ദുസഹമായി. എൽ.ഐ.സി സ്റ്റോപ്പിൽ നിന്ന് ബസിൽ കയറാൻ കഴിയാത്ത സ്ഥിതിയിലാണ്. ചെളി മൂലം വാഹനങ്ങൾ പതിയെ പോകുന്നതിനാൽ ഗതാഗതക്കുരുക്കും രൂക്ഷമാണ്. അഴുക്കുവെള്ളത്തിൽ നിന്ന് രക്ഷ നേടാൻ വാഹനങ്ങൾ മിഠായി തെരുവിലൂടെ പാർക്കിംഗ് പ്ലാസയ്ക്കായി ഒരുക്കിയ മെെതാനത്തിലൂടെയാണ് കയറി ഇറങ്ങുന്നത്. കഴിഞ്ഞ ഒരാഴ്ചയായി പെയ്ത ശക്തമായ മഴയിൽ മാനാഞ്ചിറക്ക് ചുറ്റും രൂപപ്പെട്ട വലിയ വെള്ളക്കെട്ടാണു ഇനിയും ഒഴിഞ്ഞ് പോകാത്തത്. കഴിഞ്ഞ മഴയ്ക്ക് മുമ്പ് സ്​​പോ​ർ​ട്സ് കൗ​ൺ​സി​ൽ ഓ​ഫീസി​ന് സ​മീ​പം ഫു​ട്പാ​ത്തി​ന​ടി​യി​ലെ ഓ​ട തു​റന്ന് മണ്ണ് നീക്കം ചെയ്തിരുന്നു. അതിനാൽ അധിക സമയം വെള്ളം കെട്ടികിടന്നിരുന്നില്ല. എന്നാൽ ഉത്തവണ അഴുക്കുചാൽ വൃത്തിയാക്കി മണ്ണെടുത്തിട്ടില്ല. ഓവ് ചാലിന് വീതിയില്ലാത്തതാണ് പ്രശ്നം വഷളാക്കുന്നത്.

മി​ഠാ​യി​ത്തെ​രു​വ് ന​വീ​ക​ര​ണ​ത്തി​ന് ശേ​ഷം തു​ട​ങ്ങി​യ​താ​ണ് ഇ​വി​ടെ വെ​ള്ളം ​കെ​ട്ടി​ക്കി​ട​ന്നു​ള്ള ദു​രി​തം. പ​ട്ടാ​ള​പ്പ​ള്ളി മു​ത​ൽ ടൗ​ൺ​ഹാ​ൾ വ​രെ റോ​ഡ് കോ​ർ​പ​റേ​ഷ​ന്റേ​തും ടൗ​ൺ​ഹാ​ളി​ന് മു​ന്നി​ലു​ള്ള​ത് പൊ​തു​മ​രാ​മ​ത്ത് വ​കു​പ്പി​ന്റേ​തു​മാ​ണ്. മ​ലി​ന​ജ​ലം കെ​ട്ടി​ക്കി​ട​ക്കു​ന്ന​ത് ആ​രോ​ഗ്യ പ്ര​ശ്ന​വു​മു​ണ്ടാ​ക്കുമോയെന്ന ആശങ്കയിലാണ് വ്യാപാരികൾ.

ഓ​വു​ചാ​ൽ പ്രവൃത്തി ഉടൻ

മാ​നാ​ഞ്ചി​റ​യി​ൽ സ്പോർട്സ് കൗൺസിൽ ഹാളിന് മുന്നിൽ വി​പു​ല​മാ​യ ഓ​വു​ചാ​ൽ പ​ണി​യുന്ന പ്രവൃത്തി ഉടൻ ആരംഭിക്കും. നിലവിലെ ഓവ് ചാലിന് വീതി കൂട്ടുകയാണ് ചെയ്യുക. ഒപ്പം പട്ടാളപ്പള്ളി മുതൽ ലെെബ്രറിവരേയുള്ള ഭാഗം ഇന്റർലോക്ക് വിരിക്കുകയും ചെയ്യും. 50 ലക്ഷം രൂപയാണ് ചെലവ് പ്രതീക്ഷിക്കുന്നത്. ടെൻഡർ നടപടികൾ ആരംഭിച്ചെന്നും ഇവ പൂർത്തിയാകുന്ന ഉടൻ മേയറുടെ അനുമതി തേടി പ്രവൃത്തി ആരംഭിക്കുമെന്നും കോ​ർ​പ​റേ​ഷ​ൻ കൗ​ൺ​സി​ല​ർ എ​സ്.​കെ. അ​ബൂ​ബ​ക്കർ പറഞ്ഞു. നിലവിലെ വെള്ളക്കെട്ട് പരിഹരിക്കാൻ അധികൃതർ ഓവുചാലിലെ മണ്ണ് നീക്കിയിട്ടുണ്ടെന്നും ഈ മഴക്കാലത്തിന് മുമ്പ് ഓവുചാലിന്റെ പ്രവൃത്തി ആരംഭിക്കുമെന്നും അദ്ദേഹം പറഞ്ഞു.