ഗഡ്കരിയുടെ ഉറപ്പ് , എൻ.എച്ച് 66 പുതുവത്സര സമ്മാനം

ന്യൂഡൽഹി: നിർമ്മാണപ്പിഴവിനെ തുടർന്ന് പ്രതിസന്ധിയിലായ ദേശീയപാത 66 ഡിസംബറിൽ തന്നെ പൂർത്തിയാക്കുമെന്ന് കേന്ദ്ര ഉപരിതല ഗതാഗതമന്ത്രി നിതിൻ ഗഡ്‌കരിയുടെ ഉറപ്പ്. കഴക്കൂട്ടം മുതൽ കാസർകോടുവരെയാണ് പൂർത്തിയാകാനുള്ളത്.

ഡൽഹിയിൽ മുഖ്യമന്ത്രി പിണറായി വിജയനും പൊതുമരാമത്ത് മന്ത്രി പി.എ.മുഹമ്മദ് റിയാസുമായുള്ള കൂടിക്കാഴ്‌ചയിലാണ് ഉറപ്പ് ലഭിച്ചത്. ദേശീയപാത പുതുവത്സര സമ്മാനമായിരിക്കുമെന്ന് ഗഡ്കരി അറയിച്ചതായി റിയാസ് പത്രസമ്മേളനത്തിൽ പറഞ്ഞു.

എല്ലാ അപാകതയും പരിഹരിക്കും. നിർമ്മാണം യാതൊരു കാരണവശാലും നീളില്ല. സംസ്ഥാനം എല്ലാ പിന്തുണയും നൽകും. ചില റീച്ചുകളിൽ ഒഴികെ നിർമ്മാണം നല്ല നിലയിലാണ് നടക്കുന്നതെന്ന് റിയാസ് പറഞ്ഞു.

14 റോഡുകൾക്കുള്ള 6,​700 കോടിയുടെ പരിഷ്‌കരിച്ച നിർദ്ദേശം കേരളം സമർപ്പിച്ചു. ഡൽഹിയിലെ കേരളത്തിന്റെ പ്രത്യേക പ്രതിനിധി പ്രൊഫ. കെ.വി.തോമസ്, ചീഫ് സെക്രട്ടറി എ.ജയതിലക്, പൊതുമരാമത്ത് സെക്രട്ടറി കെ.ബിജു എന്നിവരും കൂടിക്കാഴ്ചയിൽ പങ്കെടുത്തു.

 കൂടിയാട് 360 മീറ്റർ വയഡക്ട്

കൂരിയാട് ദേശീയപാത തകർന്നയിടത്ത് നാലു മാസത്തിനുള്ളിൽ 360 മീറ്റർ വയഡക്‌ട് നിർമ്മിക്കും. ഇതിന് കരാർ കമ്പനി 80കോടി ചെലവിടും. ദേശീയപാത പൂർത്തിയാകുമ്പോൾ ഇരുചക്ര വാഹനങ്ങൾക്ക് നിയന്ത്രണം വരുമോയെന്നതിൽ വ്യക്തത വരേണ്ടതുണ്ട്. അലൈൻമെന്റും നിർമ്മാണവും അടക്കം ദേശീയപാതാ അതോറിട്ടിയുടെ നേതൃത്വത്തിലാണ് നടന്നത്. സ്ഥലമേറ്റെടുപ്പിൽ മാത്രമാണ് സംസ്ഥാനത്തിന് റോളെന്ന് റിയാസ് ആവർത്തിച്ചു.

തിരു. ഔട്ടർ റിംഗ് റോഡ്

അന്തിമ ഉത്തരവ് ജൂലായിൽ

 തിരുവനന്തപുരം ഔട്ടർ റിംഗ് റോഡ് (ജൂലായിൽ അന്തിമ ഉത്തരവ്)

 പാലക്കാട്- കോഴിക്കോട് ഗ്രീൻഫീൽഡ് (ജൂലായിൽ അന്തിമ ഉത്തരവ്)

 കൊല്ലം- ചെങ്കോട്ട ഗ്രീൻഫീൽഡ് (സെപ്‌തംബറിൽ അന്തിമ ഉത്തരവ്)​

 എറണാകുളം ബൈപ്പാസ് (നടപടി ആറുമാസത്തിനകം)

 കോഴിക്കോട് വിമാനത്താവളം- രാമനാട്ടുകര വീതി കൂട്ടലിന് അംഗീകാരം

ദേശീയപാതയെ പാലാരിവട്ടം പാലവുമായി ബന്ധപ്പെടുത്തി പ്രതിപക്ഷ നേതാവ് വി.ഡി.സതീശൻ നടത്തിയ പ്രസ്‌താവന സമൂഹ്യപ്രവർത്തകന് യോജിച്ചതല്ല. സുംബാ ഡാൻസ് കളിക്കും പോലെയാണ് സംസാരിച്ചത്

- മുഹമ്മദ് റിയാസ്,​

പൊതുമരാമത്ത് മന്ത്രി

ഓ​വു​പാ​ലം​ ​ഇ​ടി​ഞ്ഞു​ ​താ​ഴ്ന്നു

തി​രൂ​ര​ങ്ങാ​ടി​:​ ​കോ​ഴി​ക്കോ​ട്-​ ​തൃ​ശൂ​ർ​ ​ദേ​ശീ​യ​പാ​ത​ 66​ൽ​ ​ത​ല​പ്പാ​റ​യ്ക്ക​ടു​ത്ത് ​മെ​യി​ൻ​ ​റോ​ഡി​ലെ​യും​ ​സ​ർ​വീ​സ് ​റോ​ഡി​ലെ​യും​ ​വെ​ള്ളം​ ​ഒ​ഴു​ക്കാ​നാ​യി​ ​നി​ർ​മ്മി​ച്ച​ ​ഓ​വു​പാ​ല​ത്തി​ന്റെ​ ​അ​ടി​ഭാ​ഗം​ ​ഇ​ടി​ഞ്ഞു​താ​ഴ്ന്നു.​ ​ഓ​വു​പാ​ല​ത്തി​നും​ ​പൊ​ട്ട​ൽ​ ​സം​ഭ​വി​ച്ചി​ട്ടു​ണ്ട്.​ ​ഇ​ന്ന​ലെ​ ​രാ​വി​ലെ​യാ​ണ് ​സം​ഭ​വം.​ ​റോ​ഡ് ​ജോ​ലി​ ​ചെ​യ്യു​ന്ന​വ​ർ​ ​ഇ​ട​യ്ക്കി​ടെ​ ​ഓ​വു​പാ​ല​ത്തി​ന്റെ​ ​അ​ടി​യി​ൽ​ ​പോ​വു​ന്ന​ത് ​ശ്ര​ദ്ധ​യി​ൽ​പ്പെ​ട്ട​ ​നാ​ട്ടു​കാ​ർ​ ​പ​രി​ശോ​ധി​ച്ച​പ്പോ​ഴാ​ണ് ​ഇ​ക്കാ​ര്യം​ ​ക​ണ്ട​ത്.​ ​പ​ശ​ ​ഒ​ട്ടി​ച്ച് ​ഒ​ട്ടി​ക്കാ​ൻ​ ​ശ്ര​മി​ച്ച​ ​തൊ​ഴി​ലാ​ളി​ക​ളെ​ ​നാ​ട്ടു​കാ​ർ​ ​ത​ട​ഞ്ഞു.​ ​തു​ട​ർ​ന്ന് ​ദേ​ശീ​യ​പാ​ത​ ​അ​ധി​കൃ​ത​രെ​ ​വി​വ​ര​മ​റി​യി​ച്ചു.​ ​ഇ​തു​വ​ഴി​യു​ള്ള​ ​ഗ​താ​ഗ​തം​ ​നി​രോ​ധി​ച്ചു.