പരിസ്ഥിതി ദിനാചരണം നടത്തി പൊലീസ്

പത്തനംതിട്ട : ലോക പരിസ്ഥിതി ദിനത്തിൽ ജില്ലാ സ്റ്റുഡന്റ് പൊലീസ് കേഡറ്റ്സ് പ്രൊജക്ട് (എസ്.പി.സി) നടത്തുന്ന മധുരവനം പദ്ധതിയുടെ ഭാഗമായി​ ജില്ലാപൊലീസ് ആസ്ഥാനത്ത് ജില്ലാ പൊലീസ് മേധാവി വി.ജി. വിനോദ് കുമാർ ഫലവൃക്ഷമാവിൻ തൈനട്ടു. ജില്ലാ പൊലീസ് കാര്യാലയത്തിൽ അഡീഷണൽ എസ്.പിയും എസ് പി സി പദ്ധതി ഡി.എൻ.ഒയുമായ ആർ.ബിനു ഡി.സി.ബി ഡിവൈ.എസ്.പി കെ.എ.വിദ്യാധരൻ , നാർക്കൊട്ടിക് സെൽ ഡിവൈ.എസ്.പി ബി.അനിൽ, എസ്.പി.സി കേഡറ്റുകൾ എന്നിവർ തൈകൾ നട്ടു. ജില്ലാപൊലീസ് മേധാവി ദിനാചരണസന്ദേശം നൽകി. എസ്.പി.സി.എ.ഡി.എൻ.ഒ ജി.സുരേഷ് കുമാർ, നാർകൊട്ടിക് സെൽ എസ്.ഐ.മുജീബ് റഹ്മാൻ , ഡി.സി.ബി എസ്.ഐ.അരുൺ കുമാർ, എസ്.പി.സി കമ്യൂണിറ്റി പൊലീസ് ഓഫീസർമാരായ തോമസ് മാത്യു, അനില അന്ന തോമസ് തുടങ്ങിയവർ പങ്കെടുത്തു.