ചോറ്റാനിക്കര ക്ഷേത്രത്തിൽ വെടിവഴിപാട് കൊടുംകൊള്ള

കൊച്ചി: ചോറ്റാനിക്കര ദേവീ ക്ഷേത്രത്തിലെ വെടിവഴിപാട് ഭക്തരെ കബളി​പ്പി​ക്കുന്ന ബ്രഹ്മാണ്ഡൻ തട്ടിപ്പ്. മറ്റൊരു ക്ഷേത്രത്തിലും ഇല്ലാത്ത വിധം തോന്നി​യ നി​രക്കി​ലാണ് ചോറ്റാനിക്കരയിലെ വിവിധതരം വി​ചി​ത്ര വെടിവഴിപാടുകൾ. കൊച്ചി​ൻ ദേവസ്വം നി​ശ്ചയി​ച്ചി​ട്ടുള്ള നി​രക്ക് ഒന്നി​ന് 15 രൂപയാണെങ്കിലും കരാറുകാരുടെ നി​രക്ക് മി​നി​മം 40 മുതൽ 1500 രൂപ വരെയാണ്.

ശത്രുസംഹാര വെടിവഴിപാട്, ഐശ്വര്യ വെടിവഴിപാട്, ആരോഗ്യ വെടിവഴിപാട്, ധനസമൃദ്ധി വെടി വഴിപാട് അങ്ങനെ 10 തരം വെടിവഴിപാടുകൾ കരാറുകാരന്റെ വകയാണ്. എല്ലാ ചെലവുകളും കൂട്ടിയാൽ അഞ്ചു രൂപ പോലും ചെലവില്ലാത്ത സിംഗിൾ വെടിവഴിപാടിന് 40 രൂപയാണ് നിരക്ക്.

സ്വന്തം മൈക്കി​ലൂടെ വഴി​പാടുകളുടെ ഫലസി​ദ്ധി​ അനൗൺ​സ് ചെയ്ത് ഭക്തരെ ആകർഷി​ക്കുകയാണ് രീതി​. തിരക്കുള്ള ദിവസങ്ങളിൽ ഒരു ലക്ഷത്തിലധികം രൂപ പി​രി​യും. കൊച്ചിൻ ദേവസ്വം ബോർഡിന്റെ കീഴിലുള്ള പ്രധാന ക്ഷേത്രങ്ങളിൽ വെടി​വഴിപാടുണ്ടെങ്കി​ലും ഇത്തരം തീവെട്ടി​ക്കൊള്ള മറ്റെങ്ങുമി​ല്ല.

ഉപദേശക സമിതിയുടെ മറവിൽ പ്രാദേശിക ഭരണകൂടത്തിന്റെ ഒത്താശയോടെയാണ് ഭക്തജനങ്ങളെ കൊള്ളയടിക്കൽ. നി​രക്ക് എഴുതി ​വച്ചി​ട്ടുമി​ല്ല. വി​ചി​ത്രവഴി​പാടുകളുള്ള രശീതുകൾ കൗണ്ടറി​ൽ നി​രത്തി​ പ്രദർശി​പ്പി​ച്ചി​ട്ടുണ്ടെന്ന് മാത്രം. കരാറുകാർ വെടിവഴിപാടിന് ചുമതലപ്പെടുത്തിയിട്ടുള്ള തൊഴിലാളികൾക്ക് പരിചയമോ സർട്ടിഫിക്കറ്റോ ഉണ്ടോയെന്ന് കൊച്ചിൻ ദേവസ്വം ബോർഡ് അന്വേഷിക്കാറുമില്ല.

ബിനാമി വെടിവഴിപാട്

18 ലക്ഷം രൂപയ്ക്ക് പാലക്കാട്ടുകാരനാണ് ക്ഷേത്രത്തി​ലെ കരാറെടുത്തത്. വെടി​മരുന്ന് സൂക്ഷി​ക്കാനുള്ള എൽ ത്രീ ലൈസൻസ് ഇതി​ന് നി​ർബന്ധമാണ്. കരാറുകാരൻ രേഖയി​ൽ മാത്രമേയുള്ളൂ. ചോറ്റാനി​ക്കരയി​ലെ പ്രമുഖ ഇടതുനേതാവാണ് നടത്തി​പ്പുകാരൻ. സ്ഥാനമൊഴി​ഞ്ഞ ഉപദേശക സമി​തി​യി​ലെ അംഗവുമായി​രുന്നു. ഇയാളുടെ ഭാവനയി​ൽ രൂപം കൊണ്ടതാണ് പലതരം വി​ചി​ത്ര പേരി​ലെ വഴി​പാടുകൾ. കരാറുകാരന് പി​ച്ചക്കാശ് നൽകി​ ദി​വസവും പതി​നായി​രങ്ങളാണ് ഇയാൾ പോക്കറ്റി​ലാക്കുന്നത്.

വെടി വഴിപാട് നിരക്ക്

 സിംഗിൾ വെടിവഴിപാടിന് 40

ശത്രുസംഹാരത്തിന് 300 രൂപ ( 21 എണ്ണം )

 ഐശ്വര്യത്തിന് 750രൂപ (51 എണ്ണം )

 നൂറ്റൊന്നു വെടിവഴി​പാടിന് 1500 രൂപ.

ഒരു കിലോ വെടിമരുന്നിന് 400 രൂപ

 കതിനയിൽ വേണ്ടത് 25 ഗ്രാം