ട്രാക്കുകൾ സജ്ജമാകുന്നു; ട്രെയിനുകൾ ഇനി 130 കി.മീ വേഗത്തിൽ ഓടും

പാലക്കാട്: ട്രെയിനുകളുടെ വേഗം 130 കിലോമീറ്ററാക്കാൻ റെയിൽവേയും പ്രവൃത്തി അതിവേഗം പുരോഗമിക്കുന്നു. കേരളത്തിൽ ട്രെയിനുകളുടെ അടിസ്ഥാന വേഗം മണിക്കൂറിൽ 110 കിലോമീറ്ററുള്ള കോഴിക്കോട്-മംഗളൂരു ട്രാക്ക് 130 കിലോമീറ്റർ വേഗത്തിന് സജ്ജമായി. ഷൊർണൂർ-കോഴിക്കോട് ട്രാക്ക് ഉടൻ 130 കിലോമീറ്റർ വേഗത്തിലേക്ക് എത്തും. ഷൊർണൂർ-മംഗളൂരു പാതയിൽ പാളങ്ങളുടെ ഉറപ്പും ഘടനയും പരിശോധിക്കുന്ന ഓസിലേഷൻ മോണിറ്ററിംഗ് സിസ്റ്റം (ഒ.എം.എസ്) വാഹനം മുഖേന വേഗപരിശോധന നടത്തി. തിരുവനന്തപുരം-കായംകുളം, കായംകുളം-എറണാകുളം (ആലപ്പുഴ വഴി) രണ്ടു സെക്ഷനിലും അടിസ്ഥാന വേഗം 110 ആയി. ഇന്ത്യയിലെ 68 ഡിവിഷനുകളിൽ വൈകിയോട്ടം കുറഞ്ഞ രണ്ട് പ്രധാന ഡിവിഷനുകൾ കേരളത്തിലേതാണ്. പാലക്കാട് ഡിവിഷനിൽ 95.9 ശതമാനവും തിരുവനന്തപുരത്ത് 91.3 ശതമാനവുമാണ് ട്രെയിനുകളുടെ സമയകൃത്യത. ഇത് നൂറിലെത്തിക്കാനാണ് ശ്രമം.

 നിലവിലെ വേഗം

(റെയിൽ റൂട്ട്, ദൂരം, വേഗത കിമീറ്ററിൽ) തിരുവനന്തപുരം - കായംകുളം - 105 - 110 കായംകുളം - എറണാകുളം - 100 - 110 (ആലപ്പുഴ വഴി) കായംകുളം - എറണാകുളം - 115 -100 (കോട്ടയം വഴി) എറണാകുളം - ഷൊർണൂർ - 107 - 80 ഷൊർണൂർ - കോഴിക്കോട് - 86 - 110 കോഴിക്കോട് - മംഗലാപുരം - 221 - 110