യോഗ ക്യാമ്പ്​ സംഘടിപ്പിച്ചു

​രാമനാട്ടുകര: അന്താരാഷ്ട്ര യോഗ ദിനത്തിന്റെ ഭാഗമായി​ ഫാറൂഖ് കോളേജ് ​ റോഡ് റസിഡൻസ് അസോസിയേഷന്റെയും രാമനാട്ടുകര​ ഡോക്ടർ ലാൽ​സിന്റെയും സംയുക്താഭിമുഖ്യത്തിൽ യോഗാ ക്യാമ്പും പ്രഥമ ശുശ്രൂഷ ക്ലാസും നടത്തി. രാമനാട്ടുകര നഗരസഭ ചെയർ പേഴ്സൺ വി.എം. പുഷ്പ ഉദ്ഘാടനം ചെയ്തു. ഡോ. ലാൽസ് ചീഫ് കൺസൾട്ടന്റ്​ ഡോ​.പി.മനോഹർലാൽ അ​ദ്ധ്യക്ഷത​ വഹിച്ചു.ആരോഗ്യകാര്യ സ്റ്റാൻഡിംഗ് കമ്മിറ്റി ചെയർപേ​ഴ്സൺ കെ.എം.യമുന മുഖ്യാതിഥിയായി. ഡോ​. അർച്ചിത് ലാൽ, ഷിമി രാമദാസ് എന്നിവർ ക്ലാസെടുത്തു. വിവിധ പരീക്ഷകളിൽ മികച്ച വിജയം നേടിയവരെ അനുമോദിച്ചു. നഗരസഭാ കൗൺസിലർമാരായ ബുഷ്റ റഫീഖ്, ആർ.കെ. റീന , റെയ്സ് ജനറൽ സെക്രട്ടറി കെ.പ്രേമദാസൻ, വ്യാപാരി വ്യവസായി ഏകോപന സമിതി രാമനാട്ടുകര യൂണിറ്റ് പ്രസിഡന്റ് പി.എം. അജ്മൽ ഉസ്മാൻ പാഞ്ചാള, ബി. സി.അബ്ദുൾ ഖാദർ എന്നിവർ പ്രസംഗിച്ചു.