ഹലോ ഇംഗ്ളീഷ് പദ്ധതിക്ക് തുടക്കം

തിരൂരങ്ങാടി: വിദ്യാർത്ഥികളുടെ ഇംഗ്ലീഷ് ഭാഷയിലെ ആശയവിനിമയം മെച്ചപ്പെടുത്തുന്നതിന് വേണ്ടി ആവിഷ്‌കരിച്ച സമഗ്രമായ പദ്ധതിയായ ഹലോ ഇംഗ്ലീഷ് ചെമ്മാട് നാഷണൽ ഇംഗ്ലീഷ് മീഡിയം എച്ച്.എസ്.എസിൽ ആരംഭിച്ചു. സ്‌കൂൾ പ്രിൻസിപ്പൽ മുഹിയുദ്ദീൻ, അഡ്മിനിസ്‌ട്രേറ്റീവ് മാനേജർ റഹീം ചുഴലി എന്നിവർ ചേർന്ന് ഏഴാം ക്ലാസ് കൺവീനർ ഹുസൈന് പ്രോഗ്രാം ചാർട്ട് നൽകി ഉദ്ഘാടനകർമ്മം നിർവഹിച്ചു. യു.പി. വിഭാഗം എച്ച്.ഒ.ഡി മുസവിർ പദ്ധതി വിശദീകരിച്ചു. കമ്മ്യൂണിക്കേറ്റീവ് ഇംഗ്ലീഷ് കൺവീനർ അനൂപ്, ഇംഗ്ലീഷ് ക്ലബ് അംഗങ്ങളായ ഷെറിൻ, ഷിബില, സെനിയ, സുജന, നാജിഹ, രമ്യ, സാലിം, റഫീഖ് അലി, പ്രജീഷ് എന്നിവർ സംസാരിച്ചു.