ഇനീഷ്യൽ ചേർത്ത 'ജാനകി' സെൻസർ ബോർഡിൽ

കൊച്ചി​: 'ജാനകി V/s സ്റ്റേറ്റ് ഒഫ് കേരള' സി​നി​മയുടെ പരി​ഷ്കരി​ച്ച പതി​പ്പ് നി​ർമ്മാതാക്കൾ സെൻസർ ബോർഡിന് സമർപ്പിച്ചു. 'ജാനകി​. വി' എന്ന പേരുമാറ്റത്തോടെയാണിത്. ഇടവേളയ്‌ക്കു മുമ്പുള്ള ചി​ല കോടതി​ രംഗങ്ങളി​ലും മാറ്റങ്ങൾ വരുത്തി​. വിചാരണ രംഗങ്ങളി​ലെ എട്ട് ഇടങ്ങളി​ൽ ജാനകി​ എന്ന പേര് നി​ശബ്ദമാക്കി​യി​ട്ടുണ്ട്.

ജാനകി എന്ന പേര് മാറ്റേണ്ടതില്ലെന്നും പേരിനൊപ്പം ഇനീഷ്യൽ ചേർത്ത് ഉപയോഗിക്കാമെന്നും സെൻസർ ബോർഡ് കഴിഞ്ഞ ദിവസം ഹൈക്കോടതിയെ അറിയിച്ചിരുന്നു. കഥാപാത്രത്തിന്റെ മുഴുവൻ പേര് ജാനകി വിദ്യാധരൻ എന്നായതിനാൽ ജാനകി. വി എന്ന് ഉപയോഗിക്കാനായിരുന്നു നിർദ്ദേശം. സെൻസർ ബോർഡ് ഉടൻ ചി​ത്രത്തി​ന് സർട്ടി​ഫി​ക്കറ്റ് നൽകുമെന്നാണ് സൂചന. ചിത്രം എഡിറ്റ് ചെയ്ത് സമർപ്പിച്ചാൽ മൂന്നു ദിവസത്തിനകം സർട്ടിഫിക്കറ്റ് നൽകാമെന്ന് ബോർഡ് കോടതിയിൽ ഉറപ്പുനൽകിയിരുന്നു.

പ്രവീൺ നാരായണൻ സംവിധാനം ചെയ്ത ചി​ത്രത്തി​ൽ വക്കീൽ വേഷത്തി​ൽ സുരേഷ് ഗോപിയാണ് നായകൻ. ജൂൺ 27നാണ് ആദ്യം റി​ലീസിംഗ് നി​ശ്ചയി​ച്ചി​രുന്നത്. ജാനകി 'സീത'യെ സൂചി​പ്പി​ക്കുമെന്ന് വി​ലയി​രുത്തി​യാണ് സെൻസർ ബോർഡ് പ്രദർശനാനുമതി നിഷേധിച്ചത്. തുടർന്ന് നി​ർമ്മാതാക്കളായ കോസ്മോസ് എന്റർടെയ്ൻമെന്റ് ഹൈക്കോടതി​യെ സമീപി​ക്കുകയായി​രുന്നു.