ജില്ലാതല മോണിറ്ററിംഗ് കമ്മിറ്റി

കൊച്ചി: പട്ടികജാതി പട്ടിക വർഗവിഭാഗങ്ങളുമായി ബന്ധപ്പെട്ട് കോടതിയുടെ പരിഗണനയിലിരിക്കുന്ന കേസുകളുടെ പുരോഗതി ബന്ധപ്പെട്ട ഉദ്യോഗസ്ഥർ കൃത്യമായി പരിശോധിക്കണമെന്ന് ജില്ലാതല എസ്.സി,​ എസ്.ടി വിജിലൻസ് ആൻഡ് മോണിറ്ററിംഗ് കമ്മിറ്റി. പി.വി. ശ്രീനിജൻ എം.എൽ.എയുടെ സാന്നിദ്ധ്യത്തിൽ ചേർന്ന യോഗമാണ് നിർദ്ദേശം നൽകിയത്. ജില്ലാ കളക്ടർ എൻ.എസ്.കെ ഉമേഷ് അദ്ധ്യക്ഷത വഹിച്ച യോഗം 54 പരാതികൾ പരിഗണിച്ചു. പട്ടികജാതി (എസ്.സി) വിഭാഗത്തിലുള്ളവരുടെ 37 പരാതികളും പട്ടികവർഗ ( എസ്.ടി) വിഭാഗത്തിലുള്ളവരുടെ 17 പരാതികളുമാണ് പരിഗണനയ്ക്ക് വന്നത്. കളക്ടറുടെ ചേംബറിൽ ചേർന്ന യോഗത്തിൽ പെരുമ്പാവൂർ എ.എസ്.പി ശക്തി സിംഗ് ആര്യയും വിവിധ വകുപ്പ് ഉദ്യോഗസ്ഥരും പങ്കെടുത്തു.