ജയിൽസുരക്ഷ: അടിയന്തര യോഗം വിളിച്ച് മുഖ്യമന്ത്രി
Saturday 26 July 2025 1:42 AM IST
തിരുവനന്തപുരം: കൊടുംകുറ്റവാളി ഗോവിന്ദചാമി ജയിൽ ചാടിയ പശ്ചാത്തലത്തിൽ സംസ്ഥാനത്തെ ജയിലുകളിലെ സുരക്ഷ വിലയിരുത്താൻ മുഖ്യമന്ത്രി പിണറായി വിജയൻ അടിയന്തര യോഗം വിളിച്ചു.
ഇന്ന് രാവിലെ 11ന് ഓൺലൈനായി യോഗം ചേരും.
സംസ്ഥാന പൊലീസ് മേധാവി,ജയിൽ മേധാവി,ചീഫ് സെക്രട്ടറി, ആഭ്യന്തര സെക്രട്ടറി,ജയിൽ സൂപ്രണ്ടുമാർ തുടങ്ങിയവർ പങ്കെടുക്കും.
ഗോവിന്ദചാമി ജയിൽചാടിയതുമായി ബന്ധപ്പെട്ട വിവരങ്ങൾ മുഖ്യമന്ത്രിയുടെ ഓഫീസ് തേടിയിരുന്നു.