പി.ഗവാസ് സി.പി.ഐ കോഴിക്കോട് ജില്ലാ സെക്രട്ടറി
നാദാപുരം: സി.പി.ഐ കോഴിക്കോട് ജില്ലാ സെക്രട്ടറിയായി ജില്ലാ പഞ്ചായത്ത് വൈസ് പ്രസിഡന്റ് അഡ്വ. പി.ഗവാസിനെ (46 ) ജില്ലാ സമ്മേളനം തിരഞ്ഞെടുത്തു. കുറ്റ്യാടി മരുതോങ്കരയ്ക്കടുത്ത് കോതോട് സ്വദേശിയാണ്. പാറക്കൽ ഗംഗാധരന്റെയും,
പദ്മിനിയുടെയും മകനാണ്.
എ.ഐ.എസ്.എഫിലൂടെ പൊതുരംഗത്ത് വന്ന ഗവാസ് എ.ഐ.എസ്.എഫ്, എ.ഐ.വൈ.എഫ് സംഘടനകളുടെ ജില്ലാ പ്രസിഡന്റ്, സെക്രട്ടറി, സംസ്ഥാന ജോ.സെക്രട്ടറി, നാഷണൽ കൗൺസിൽ അംഗം എന്നീ നിലകളിൽ പ്രവർത്തിച്ചു. കാലിക്കറ്റ് സർവകലാശാല സെനറ്റ് അംഗമായും ,സി.പി.ഐ കാവിലുംപാറ ലോക്കൽ സെക്രട്ടറിയായും നാദാപുരം മണ്ഡലം സെക്രട്ടറിയായും പ്രവർത്തിച്ചിട്ടുണ്ട്.
,കോഴിക്കോട് ജില്ലാ കോടതിയിൽ അഭിഭാഷകനും,. അഭിഭാഷക സംഘടനയായ ഇന്ത്യൻ അസോസിയേഷൻ ഒഫ് ലോയേഴ്‌സ് (ഐ എഎൽ) ദേശീയ എക്‌സിക്യൂട്ടീവ് അംഗവുമാണ്. 2005 മുതൽ സി.പി.ഐ കോഴിക്കോട് ജില്ലാ കൗൺസിൽ അംഗവും നിലവിൽ പാർട്ടി ജില്ലാ അസിസ്റ്റന്റ് സെക്രട്ടറിയുമാണ്. 2020 മുതൽ കോഴിക്കോട് ജില്ലാ പഞ്ചായത്തിലെ കടലുണ്ടി ഡിവിഷനിൽ നിന്നുള്ള അംഗമാണ്. അദ്ധ്യാപികയും എ.കെ.എസ്.ടി.യു നേതാവുമായ കെ.സുധിനയാണ് ഭാര്യ. മക്കൾ: സെദാൻ ഗസിന്ത്, കലാനി ഗസിന്ത്.