മുസിരിസ് ബിനാലെയ്ക്ക് ഒരുകോടി നൽകി  അദീബ് ആൻഡ് ഷെഫീന ഫൗണ്ടേഷൻ

കൊച്ചി: കൊച്ചി - മുസിരിസ് ബിനാലെയുടെ ആറാംപതിപ്പിന് അദീബ് ആൻഡ് ഷെഫീന ഫൗണ്ടേഷന്റെയും അബുദാബി ആസ്ഥാനമായുള്ള ലുലു ഫിനാൻഷ്യൽ ഹോൾഡിം​ഗ്സിന്റെയും പിന്തുണ തുടരും. നടത്തിപ്പിനായി ഒരുകോടിരൂപ നൽകി.

ലുലു ഫിനാൻഷ്യൽ ഹോൾഡിംഗ്സിന്റെ ഫൗണ്ടറും എം.ഡിയുമായ അദീബ് അഹമ്മദിന്റെയും ഭാര്യ ഷെഫീന യൂസഫലിയുടെയും നേതൃത്വത്തിലുള്ളതാണ് അദീബ് ആൻഡ് ഷെഫീന ഫൗണ്ടേഷൻ. ലുലു ഫിനാൻഷ്യൽ ഹോൾഡിം​ഗ്സിന്റെയും ഫൗണ്ടേഷന്റെയും പ്രതിനിധികളായ പി.എ. സനീറും മാളവിക സുരേഷും ചേർന്ന് ബിനാലെ ഫൗണ്ടേഷൻ പ്രസിഡന്റ് ബോസ് കൃഷ്ണമാചാരി, സി.ഇ.ഒ തോമസ് വർഗീസ് എന്നിവർക്ക് ചെക്ക് നൽകി. ഡിസംബർ 12 മുതലാണ് ബിനാലെ.