കൊയിലാണ്ടിയിൽ ട്രെയിനിൽ നിന്ന് ചാടിയ യുവാവിന്റെ കാലുകൾ വേർപെട്ടു; പരിക്ക് ഗുരുതരം

കോഴിക്കോട്: കൊയിലാണ്ടിയിൽ ട്രെയിനിൽ നിന്ന് ചാടിയ യാത്രക്കാരന്റെ രണ്ട് കാലുകളും വേർപെട്ടു. ബംഗളൂരു ബൊമ്മക്കൽ സ്വദേശിയായ കൃഷ്‌ണപ്പയുടെ മകൻ ശിവശങ്കറിനാണ് (40) ഗുരുതരമായി പരിക്കേറ്റത്.

ഇന്ന് രാവിലെ റെയിൽവേ സ്റ്റേഷനിലെ ടിക്കറ്റ് കൗണ്ടറിന് മുമ്പിലാണ് അപകടം ഉണ്ടായത്. സാന്ദ്രഗാച്ചിയിൽ നിന്നുള്ള സൂപ്പർ എക്‌സ്‌പ്രസ് ട്രെയിനിൽ നിന്നാണ് ശിവശങ്കർ ചാടിയത്. ഈ ട്രെയിനിന് കൊയിലാണ്ടിയിൽ സ്‌റ്റോപ്പില്ല.

ശിവശങ്കറിന്റെ ഇരുകാലുകളും വേർപെട്ട നിലയിലാണുള്ളത്. കൊയിലാണ്ടി ഫയർഫോഴ്‌സ് ശിവശങ്കറിനെ താലൂക്ക് ആശുപത്രിയിൽ എത്തിച്ചു. പരിക്ക് ഗുരുതരമായതിനാൽ പ്രാഥമിക ചികിത്സയ്‌ക്ക് ശേഷം കോഴിക്കോട് മെഡിക്കൽ കോളേജ് ആശുപത്രിയിലേക്ക് മാറ്റി.