"അന്ന്‌ ലാലേട്ടൻ വിളിക്കുന്നത് കാത്തിരിക്കുമ്പോൾ ആകെ ചിന്തിച്ചത് ഇതായിരുന്നു; ഇപ്പോൾ 17 പേർ ബിഗ് ബോസിൽ കയറിയിരിക്കുന്നു"
ബിഗ് ബോസ് സീസൺ 7ന് ഇന്ന് തുടക്കമാകുകയാണ്. ബിഗ് ബോസ് സീസൺ 5ലെ വിജയിയാണ് സംവിധായകൻ അഖിൽ മാരാർ. രണ്ട് വർഷം മുമ്പ് മുംബയിൽ പരിപാടിയിൽ പങ്കെടുക്കാൻ പോയ അനുഭവം വെളിപ്പെടുത്തിയിരിക്കുകയാണ് അദ്ദേഹമിപ്പോൾ.
അവതാരകനായ മോഹൻലാൽ വിളിക്കാൻ വേണ്ടി കാത്തിരിക്കുമ്പോൾ സോഷ്യൽ മീഡിയയിൽ വെല്ലുവിളിച്ചവരെക്കുറിച്ച് മാത്രമാണ് താൻ ആലോചിച്ചതെന്ന് അദ്ദേഹം പറഞ്ഞു. ഇപ്പോൾ പതിനേഴുപേർ ബിഗ് ബോസിൽ കയറിയിരിക്കുകയാണെന്നും എല്ലാവർക്കും ആശംസകൾ നേരുന്നുവെന്നും അദ്ദേഹം കുറിച്ചു.
ഫേസ്‌ബുക്ക് പോസ്റ്റിന്റെ പൂർണ്ണരൂപം
പുതിയൊരു ബിഗ് ബോസ്സ് സീസൺ വരുകയാണ്.. രണ്ട് വർഷങ്ങൾക്ക് മുമ്പ് മുംബയിലെ ഫിലിം സിറ്റിയിൽ ദാ ഈ കാരവാനിൽ ലാലേട്ടൻ വിളിക്കുന്നതും കാത്തു മണിക്കൂറുകൾ കാത്തിരിക്കുമ്പോൾ ആകെ ചിന്തിച്ചത് ബിഗ് ബോസിൽ നിന്നെ കയറ്റില്ല അഥവാ കയറിയാൽ ആദ്യ ആഴ്ചയിൽ പുറത്താക്കും എന്ന് സോഷ്യൽ മീഡിയയിൽ വെല്ലുവിളിച്ചവരെ കുറിച്ച് മാത്രമായിരുന്നു..
കൈയിൽ ബാക്ക് ഭാഗം പൊട്ടിയ one plus 8 ന്റെ ഒരു ഫോൺ നിങ്ങൾക്ക് കാണാം.. ജീവിതവും അത് പോലെ പൊട്ടി തുടങ്ങിയതായിരുന്നു..
17 പേര് ഇന്നലെ ബിഗ് ബോസിൽ കയറിരിയിക്കുന്നു.. എല്ലാവർക്കും എന്റെ ആശംസകൾ നേരുന്നു..
എല്ലാ ബിഗ് ബോസ്സ് പ്രേക്ഷകർക്കും സ്നേഹാശംസകൾ.. ബിഗ് ബോസിലെ ഏറ്റവും മികച്ച സീസൺ ആയി സീസൺ 7മാറട്ടെ.