മലപ്പുറത്തെ സർക്കാർ സ്‌കൂളിലെത്തിയ കുട്ടികളുടെ ശരീരത്തിൽ ചുവന്ന പാടുകൾ; രോഗം സ്ഥിരീകരിച്ചത് 57 വിദ്യാർത്ഥികൾക്ക്

മലപ്പുറം: ആതവനാട് ഗവൺമെന്റ് ഹൈസ്കൂളിൽ ചിക്കൻ പോക്‌സ് വ്യാപനം. 57 കുട്ടികൾക്ക് രോഗം സ്ഥിരീകരിച്ചു. സ്കൂളിലെ എൽപി, യുപി വിഭാഗങ്ങൾ ഒരാഴ്ചത്തേക്ക് അടച്ചു.

ഹൈസ്‌കൂൾ ക്ലാസുകൾ ആരോഗ്യവകുപ്പിന്റെ കർശന നിർദേശങ്ങൾ പാലിച്ച് പ്രവർത്തിക്കും. പനിയോ മറ്റ് രോഗ ലക്ഷണങ്ങളോ ഉള്ള കുട്ടികൾ വീട്ടിൽ തന്നെ തുടരണമെന്നും സ്കൂളിലെത്തുന്ന മുഴുവൻ കുട്ടികളും അദ്ധ്യാപകരും രക്ഷിതാക്കളും മാസ്ക് നിർബന്ധമായും ധരിക്കണമെന്നും ആരോഗ്യ വകുപ്പ് നിർദേശം നൽകി.