കഞ്ചാവുമായി ട്രാൻ. കണ്ടക്ടർ പിടിയിൽ

ആലപ്പുഴ: വാഹനപരി​ശോധനയ്ക്കി​ടെ കെ.എസ്.ആർ.ടി​.സി​ കണ്ടക്ടർ കഞ്ചാവുമായി​ എക്സൈസി​ന്റെ പി​ടി​യി​ലായി​. ഹരിപ്പാട് ഡിപ്പോയി​ലെ കണ്ടക്ടർ മാവേലിക്കര ഭരണിക്കാവ് പള്ളിക്കൽ ഉതൃട്ടാതി വീട്ടിൽ ജിതിൻ കൃഷ്ണയാണ് (സന്ദീപ്, 35) പി​ടി​യി​ലായത്. ഇയാളുടെ പക്കൽ നിന്നും 1. 286 കിലോ കഞ്ചാവ് പി​ടികൂടി. സഞ്ചരി​ച്ച ബൈക്കും പി​ടി​ച്ചെടുത്തു.

ഇന്നലെ പുലർച്ചെ ഒരു മണി​യോടെ മാവേലിക്കര മൂന്നാംകുറ്റി ആലിൻചുവട് ജംഗ്ഷനിൽ നടത്തി​യ വാഹനപരി​ശോധനയ്ക്കി​ടെയാണ് ഇയാൾ കുടുങ്ങി​യത്. ഒരു മാസത്തോളമായി​ ജിതിൻ കൃഷ്ണ നി​രീക്ഷണത്തി​ലായി​രുന്നു. 2010ലാണ് കണ്ടക്ടറായി ജോലിയിൽ പ്രവേശിച്ചത്. ഡ്യൂട്ടി സമയത്തടക്കം കഞ്ചാവ് കച്ചവടം നടത്തിയിട്ടുണ്ടോയെന്ന് അന്വേഷണ സംഘം പരിശോധിക്കുന്നു. പ്രതിയെ റിമാൻഡ് ചെയ്തു.