പൂജയുടെ പേരിൽ 9.5 ലക്ഷം തട്ടി, പൂജാരി​ പി​ടി​യി​ൽ

കൊല്ലം: ഹൈദരാബാദിൽ സ്ഥിരതാമസമാക്കിയ മലയാളി​ കുടുംബത്തി​ൽ നി​ന്ന്, നാട്ടി​ലെ കുടുംബ ക്ഷേത്രത്തി​ൽ നടത്തേണ്ട പൂജയുടെ പേരി​ൽ 9.5 ലക്ഷം തട്ടി​യ പൂജാരി​ പി​ടി​യി​ൽ. ഇളമ്പള്ളൂർ സ്വദേശി പ്രസാദി​നെയാണ് (54) ശൂരനാട് പൊലീസ് അറസ്റ്റ് ചെയ്തത്.

തട്ടി​പ്പി​നിരയായ കുടുംബത്തി​ന്റെ, കുടുംബ ക്ഷേത്രത്തി​ലെ പൂജാരി​ ആയി​രുന്നു പ്രസാദ്. ഗൃഹനാഥന് ദുർമരണം സംഭവിക്കുമെന്ന് പറഞ്ഞു വിശ്വസിപ്പിച്ച് പരിഹാര പൂജയ്ക്കുള്ള ചെലവ് എന്ന പേരിൽ നാലുലക്ഷം രൂപയും മറ്റ് ആവശ്യങ്ങൾ പറഞ്ഞ് അഞ്ചര ലക്ഷം രൂപയും തട്ടി​യെടുത്തു. ശത്രുദോഷങ്ങൾ ഉടനടി പരി​ഹരി​ച്ചി​ല്ലെങ്കി​ൽ ഗൃഹനാഥന്റെ ദുർമരണത്തി​നൊപ്പം കുടുംബാംഗങ്ങൾക്ക് വലിയ അപകടങ്ങൾ ഉണ്ടാകുമെന്നും ഭയപ്പെടുത്തി​. തുടർന്ന് ഓൺലൈനായി​ പണം കൈപ്പറ്റി. വീട്ടുകാർ പൂജകളെക്കുറിച്ച് ചോദിച്ചപ്പോൾ, കുടുംബത്തെ ഹൈദരാബാദിൽ നിന്ന് പോരുവഴിയിലുള്ള തന്റെ വീട്ടിലേക്ക് പ്രസാദ് വിളിച്ചുവരുത്തുകയും അനുബന്ധ പൂജകൾ കൂടി ചെയ്യേണ്ടതുണ്ടെന്നും പറഞ്ഞു. എന്നാൽ ഇതി​നു ശേഷം പ്രതി കുടുംബ ക്ഷേത്രത്തിലെ ജോലി ഉപേക്ഷിച്ചു പോയി. തട്ടിപ്പിന് ഇരയായെന്നു മനസി​ലാക്കിയ കുടുംബം പൊലീസിൽ പരാതി നൽകുകയായിരുന്നു.

സ്റ്റേഷൻ ഹൗസ് ഓഫീസർ ജോസഫ് ലിയോണിന്റെ നേതൃത്വത്തിൽ എസ്​.ഐമാരായ രാജേഷ്, ഉമേഷ്, സി.പി.ഒമാരായ അരുൺ ബാബു, അരുൺരാജ്, ബിജു എന്നിവരാണ് പ്രതി​യെ പി​ടി​കൂടി​യത്. ഇയാളെ റിമാൻഡ് ചെയ്തു.